«قازگيدرومەت» بولجامىنا سايكەس، 15 قاڭتاردا قازاقستاننىڭ باتىسى مەن سولتۇستىگىندە قار جاۋادى. ەلدىڭ وڭتۇستىگىندە جاڭبىر ارالاس قار جاۋادى دەگەن بولجام جاسالدى، دەپ حابارلايدى aqshamnews.kz.
ال وڭتۇستىك-شىعىس، شىعىس جانە ورتالىق قازاقستاندا انتيسيكلوننىڭ اسەرىنەن جاۋىن-شاشىنسىز اۋا رايى ساقتالادى.
جالپى العاندا، رەسپۋبليكا اۋماعىندا جەل تۇرىپ، تۇمان تۇسەدى. باتىس پەن وڭتۇستىك-باتىستا كوكتايعاق بولۋى مۇمكىن، سولتۇستىكتە بوران، سولتۇستىك، شىعىس جانە وڭتۇستىك-شىعىستا جەلدىڭ كۇشەيۋى كۇتىلۋدە.
قالالار بويىنشا اۋا رايى:
- استانا: قۇبىلمالى اۋا رايى ساقتالادى، قار، تەمپەراتۋرا تۇندە −10–12 °C، كۇندىز −6–8 °C.
- الماتى: كۇن بۇلتتى، جاۋىن-شاشىنسىز، تەمپەراتۋرا تۇندە −4–6 °C، كۇندىز +4–6 °C.
- شىمكەنت: اۋا رايى قۇبىلمالى بولادى، جاۋىن-شاشىنسىز، تەمپەراتۋرا تۇندە 0–2 °C، كۇندىز +8–10 °C.