ماڭعىستاۋ وبلىسى قاراقيا اۋدانىنىڭ سپورتشىسى گاۋحار جانعازى 15 جاسىندا الەم چەمپيونى اتاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
16-18 قازاندا تۇركيانىڭ انتاليا قالاسىندا وتكەن قول كۇرەسىنەن الەم چەمپيوناتى ءوتتى.
«الەم چەمپيوناتىنا 54 ەلدىڭ ۇزدىك سپورتشىلارى قاتىسىپ، گاۋحاردىڭ ەڭبەگى اقتالىپ، چەمپيون بولدى. ەندىگى كەزەكتە گاۋحاردى ەرەسەكتەر اراسىنداعى جارىستارعا دايىنداپ، الداعى ۋاقىتتا سول جارىستاردا ۇزدىك ناتيجە كورسەتۋ ءۇشىن جۇمىستاناتىن بولامىز» - دەيدى سپورتشىنىڭ باپكەرى مۋستافا نارىمبايەۆ.
گاۋحار جانعازىنىڭ سپورتپەن اينالىسىپ جۇرگەنىنە 7-8 جىلداي ۋاقىت بولدى. ول وسى الەم چەمپيوناتىنا 1 جىل دايىندالعان. تىڭعىلىقتى جاتتىعۋدىڭ ارقاسىندا الەم چەمپيونى اتاندى.
«الەم چەمپيوناتى ءوزىمىز كۇتكەندەي جوعارى دەڭگەيدە ءوتتى. العا قويعان ماقساتىما جەتكەنىمە قۋانىشتىمىن»، - دەيدى گاۋحار جانعازى.