اپتاپ ىستىق، جاڭبىر، نايزاعاي.
"قازگيدرومەت" رمك جەكسەنبىگە ارنالعان اۋا رايىنىڭ جالپى بولجامىن جاريالادى، دەپ حابارلايدى Almaty-akshamy.kz
بولجامعا سايكەس، ەلىمىزدىڭ باسىم بولىگىندە، شىعىس ايماقتاردى قوسپاعاندا، اۋا رايى جاۋىن-شاشىندى بولادى دەپ كۇتىلەدى.
"وڭتۇستىك سيكلون جانە ونىمەن بايلانىستى جىلجۋشى اتموسفەرالىق فرونتالدى بولىكتەرگە بايلانىستى سولتۇستىك-باتىس، وڭتۇستىك-شىعىس، وڭتۇستىك، ورتالىق وڭىرلەردە نوسەر جاڭبىر جاۋادى، نايزاعاي ويناپ، بۇرشاق تۇسەدى، داۋىل تۇرادى دەپ بولجانادى. ەلىمىزدىڭ شىعىسىندا عانا انتيسيكلون سىلەمىنىڭ اسەرىنەن جاۋىن-شاشىنسىز اۋا رايى ساقتالادى. رەسپۋبليكا بويىنشا ورتاق تابيعي قۇبىلىس - جەلدىڭ ەكپىن الۋى، سونداي-اق سولتۇستىك-باتىستا تۇندە جانە تاڭەرتەڭ تۇمان بولادى"، دەلىنگەن "قازگيدرومەت" رمك تاراتقان اقپاراتتا.
كۇندىز الماتى، جەتىسۋ جانە اباي وبلىستارىندا اپتاپ ىستىق ساقتالادى.
ماڭعىستاۋ وبلىسىنىڭ سولتۇستىك-باتىسىندا، باتىس قازاقستان وبلىسىنىڭ وڭتۇستىك-باتىسىندا، سولتۇستىگىندە، وڭتۇستىگىندە، وڭتۇستىك-شىعىسىندا، جامبىل وبلىسىنىڭ سولتۇستىك-باتىسىندا، سولتۇستىك-شىعىسىندا، اتىراۋ وبلىسىندا، اقتوبە وبلىسىنىڭ وڭتۇستىك-باتىسىندا، اباي وبلىسىنىڭ وڭتۇستىگىندە ءورت ءقاۋپى جوعارى بولادى.
تۇركىستان، ماڭعىستاۋ وبلىستارىندا، جامبىل جانە ۇلىتاۋ وڭىرلەرىنىڭ باتىسىندا، قوستاناي وبلىسىنىڭ وڭتۇستىگىندە، ورتالىعىندا، شىعىسىندا، قىزىلوردا وبلىسىنىڭ وڭتۇستىگىندە توتەنشە ءورت ءقاۋپى ساقتالادى، ال اتىراۋ وبلىسىنىڭ وڭتۇستىك-شىعىسىندا اسا توتەنشە ءورت ءقاۋپى كۇتىلەدى.