سوڭعى 7 جىلدىڭ ىشىندە «14ء-شى اۋماق» شاعىن اۋدانىنداعى اياقتالماعان ينجەنەرلىك جەلىلەردىڭ ماسەلەسى وزەكتى تۇيتكىلدىڭ ءبىرى بولدى. بۇل تۋرالى اكىم ەربولات دوسايەۆ تۇرعىندارمەن كەزدەسۋدە ايتتى، دەپ حابارلايدى Almaty-akshamy.kz.
«الماتى قالاسى پروكۋراتۋراسىنىڭ ۇسىنىسى نەگىزىندە مەن تج جەلىسى بويىنشا قۇرىلىس جۇمىستارىن اياقتاۋ تۋرالى شەشىم قابىلدادىم. ول ءۇشىن بيۋدجەتتەن 2،7 ملرد. تەڭگە ءبولىندى. ماۋسىم ايىنان باستاپ 14 كوشە بويىنشا ينجەنەرلىك جەلىلەردى توسەۋ جۇمىستارى جۇرگىزىلۋدە. ال 3 كوشەدە (سۋسانين، دۋشانبينسكايا، نارۆسكايا) جاڭا جولدار سالىنۋدا»، - دەدى ول.
قالعان 11 كوشە بويىنشا جەلىلەردى سالۋ جۇمىستارىنىڭ اياقتالۋىنا قاراي جول توسەمى تولىق قالپىنا كەلتىرىلەتىن بولادى. بارلىق جۇمىس بيىل قازان ايىنىڭ سوڭىنا دەيىن اياقتاۋ جوسپارلانعان.