جامبىل وبلىسىنىڭ پوليسەيلەرى 2009 جىلدان بەرى حالىقارالىق ىزدەۋدە بولعان 49 جاستاعى ءو. ەسىمدى ەر ادامدى ۇستادى، دەپ حابارلايدى اlmaty-akshamy.kz.
پوليسيا دەپارتامەنتى قىزمەتكەرلەرىنىڭ مالىمدەۋىنشە، وعان وسىدان 14 جىل بۇرىن تاراز قالاسىندا توناۋ جانە بۇزاقىلىق دەرەكتەرىن جاساعانى ءۇشىن ىزدەۋ جاريالانعان. جەدەل مالىمەتتەرگە سايكەس، ول بىرنەشە جىلدار بويى شەت مەملەكەتتەردىڭ اۋماعىندا بوي تاسالاعان.
"7 قاراشا كۇنى جامبىلدىق پوليسەيلەرمەن ارنايى وپەراسيا جۇرگىزۋ بارىسىندا ىزدەۋدەگى ازامات الماتى قالاسىنداعى فيتنەس زالداردىڭ بىرىندە ۇستالدى. كۇدىكتىنىڭ بەت-بەينەسى ءوزىنىڭ تۋعان اعاسىنا ۇقساعاندىقتان، پوليسيا قىزمەتكەرلەرىنە ول ءوزىن باۋىرىنىڭ ەسىمىمەن تانىستىرعان"، -دەيدى جامبىل وبلىسى پد باسپا ءسوز قىزمەتىنىڭ حابارلاماسىندا.
پوليسەيلەر انىقتاۋ جۇمىستارىن جۇرگىزۋ ءۇشىن ونىڭ تۋعان اعاسىن جامبىل وبلىسىنىڭ پوليسيا دەپارتامەنتىنە جەتكىزگەن. اعايىندى ەر ادامداردىڭ ساۋساق ىزدەرى الىنىپ، جەكە باستارى تولىق انىقتالعان سوڭ ىزدەۋدەگى ازامات الماتى قالاسى پوليسيا دەپارتامەنتىنىڭ ۋاقىتشا ۇستاۋ يزولياتورىنا قاماققا الىندى.