2023 جىلعى 15 اقپاندا ساعات 8:28-دە ديسپەچەرلىك قىزمەتكە №131 باعىت بويىنشا كەلە جاتقان اۆتوبۋستىڭ ورتەنۋى تۋرالى اقپارات كەلىپ ءتۇستى. تەحنيكالىق اقاۋلىقتى انىقتاعان جۇرگىزۋشى نۇسقاۋلىققا سايكەس بارلىق جولاۋشىلاردى ەسكەرتىپ، ولاردى ايالداما كەشەنىندە دەرەۋ تۇسىرەدى.
بۇدان سوڭ اۆتوبۋس تەحنيكالىق اقاۋلاردى جويۋ ءۇشىن اۆتوپارككە بەت الدى. ءال-فارابي داڭعىلىمەن وڭتۇستىك باعىتتا كەلە جاتقاندا قوزعالتقىش بولىمىنەن ءورت شىعادى. جۇرگىزۋشى ءورت سوندىرگىشپەن ءورتتى ءسوندىرۋ بويىنشا جەدەل شارالار قابىلدايدى، الايدا ءبىراز ۋاقىتتان كەيىن جارىلىس بولدى. ساعات 8:45-تە وقيعا ورنىنا كەلگەن تجد قىزمەتكەرلەرى ءورتتى وقشاۋلاپ، 8: 50-دە ءورت وشاعىن تولىعىمەن جويدى. باسقارمانىڭ مالىمەتىنشە، جابىرلەنۋشىلەر مەن زارداپ شەككەندەر جوق، ءقازىر جەرگىلىكتى جەردە ۋاكىلەتتى ورگاندار جۇمىس ىستەۋدە.
ايتا كەتەرلىگى، ءورت نورماتيۆتىك پايدالانۋ مەرزىمى اياقتالىپ قالعان "لياز" ماركالى اۆتوبۋستا بولعان. اۆتوپاركتىڭ تەحنيكالىق جاي-كۇيىن جوسپارلى تەكسەرۋ كەزىندە وسى ماركالى اۆتوبۋستاردىڭ توزۋى جوعارى ەكەنى انىقتالدى. سوندىقتان كورسەتىلەتىن كولىك قىزمەتتەرىنىڭ ساپاسىن جانە جولاۋشىلاردىڭ قاۋىپسىزدىگىن ارتتىرۋ ءۇشىن اۆتوپارك ەسكى كولىكتەردى اۋىستىرۋ ءۇشىن جاڭا جىلجىمالى بىرلىكتەردى ساتىپ الۋدى جوسپارلادى.
جىلجىمالى سوستاۆتى جاڭارتۋ ماقساتىندا الماتى قالاسىنىڭ اكىمدىگى جاڭا اۆتوبۋستار ساتىپ الۋدا. 2023 جىلى 300 جاڭا اۆتوبۋس ساتىپ الۋ جانە 100 بىرلىك تروللەيبۋس جاڭارتۋ جوسپارلانعان، جەكە اۆتوپاركتەر 150 بىرلىك گاز اۆتوبۋسىن ساتىپ الۋدا.
الماتى قالاسىنىڭ قالالىق موبيلدىلىك باسقارماسى