دەگەنمەن، تۇرعىن ءۇي جاعدايلارى جاقساردى، قىزمەتكەرلەردىڭ جالاقىسى كوتەرىلدى.
قىزمەتكەرلەردىڭ شتاتتىق سانى 13 جارىم مىڭعا قىسقاردى، – دەپ حابارلايدى دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
«2018 جىلى ەلباسى نۇرسۇلتان نازاربايەۆتىڭ باستاماسىمەن ءۇش جىلعا ارنالعان جول كارتاسى قابىلداندى. ول بويىنشا مىناداي ناتيجە بار. قىزمەتكەرلەردىڭ شتاتتىق سانى 13 جارىم مىڭعا قىسقاردى، 106 باسقارۋ بولىمدەرى مەن 1 483 باسشىلىق لاۋازىمدار تاراتىلدى. بۇگىندە پوليسەيلەردىڭ سانى 100 مىڭ تۇرعىنعا شاققاندا 471-دەن 369-عا دەيىن ازايدى. بۇل ەۋروپالىق ەلدەرمەن سايكەس كەلەدى. اكىمشىلىك شىعىندار ازايدى. جۇمىس ءۇشىن قاجەتتى جاعدايلار جاسالدى: الەۋمەتتىك قورعاۋ، تۇرعىن ءۇي جاعدايلارى جاقساردى، قىزمەتكەرلەردىڭ جالاقىسى كوتەرىلدى. قىزمەتكەرلەردى وقىتۋ جۇيەسى قايتا قارالدى. قىزمەتكە قابىلداۋ تالاپتارى كۇشەيدى»، – دەدى ەرلان تۇرعىمبايەۆ.
سونىمەن قاتار پوليسيا قىزمەتىن باعالاۋدىڭ جاڭا جۇيەسى ەنگىزىلدى. ەندى پوليسيانىڭ جۇمىسىنا حالىق باعا بەرەدى. تاۋەلسىز ينستيتۋتتار الەۋمەتتىك زەرتتەۋلەر جۇرگىزىپ، قاۋىپسىزدىك دەڭگەيى جانە حالىقتىڭ پوليسياعا سەنىمى بويىنشا باعالايدى.