5 قازان تاڭىندا بيتكوين باعاسى تاريحتاعى ەڭ جوعارى دەڭگەيگە كوتەرىلدى. كريپتوۆاليۋتا باعاسى شامامەن 2،7%-عا ءوسىپ، 125 245،57 دوللار دەڭگەيىنە جەتتى، دەپ حابارلايدى Aqshamnews.kz ءتىلشىسى.
بۇعان دەيىنگى رەكورد بيىل تامىز ايىنىڭ ورتاسىندا تىركەلگەن بولاتىن — 124 480 دوللار. ول كەزدە بيتكويننىڭ قىمباتتاۋىنا اقش پرەزيدەنتى دونالد ترامپ اكىمشىلىگىنىڭ سيفرلىق اكتيۆتەرگە قاتىستى جۇمساق رەتتەۋ ساياساتى جانە ينستيتۋسيونالدىق ينۆەستورلاردىڭ قىزىعۋشىلىعى اسەر ەتكەن ەدى.
ساراپشىلاردىڭ ايتۋىنشا، بيتكوين سوڭعى سەگىز ساۋدا كۇنى قاتارىنان ءوسىم كورسەتىپ، وعان اقش قور نارىعىنداعى وڭ ديناميكا مەن بيتكوين-ETF-تەرگە كاپيتال قۇيىلۋى سەبەپ بولعان.
سونىمەن قاتار، اقش دوللارى نەگىزگى الەمدىك ۆاليۋتالارعا قاتىستى السىرەپ، بىرنەشە اپتاداعى ەڭ تومەن كورسەتكىشكە ءتۇستى. بۇل جاعدايعا اقش ۇكىمەتىنىڭ جۇمىسى ۋاقىتشا توقتاۋى مۇمكىن دەگەن ءقاۋىپ جانە نەگىزگى ەكونوميكالىق دەرەكتەردىڭ جاريالانۋىنىڭ كەيىنگە شەگەرىلۋى ىقپال ەتكەن.
ايتا كەتەيىك، اقش-تاعى سايلاۋعا دەيىنگى بيتكويننىڭ تاريحي ماكسيمۋمى 70 184 دوللار (شامامەن 34 ملن تەڭگە) بولعان ەدى.