رەسپۋبليكا اۋماعىندا «ميگرانت» جەدەل-پروفيلاكتيكالىق ءىس-شاراسى وتكىزىلدى.
بەس كۇندە كوشى-قون زاڭناماسىن بۇزۋدىڭ 10 مىڭنان استام دەرەگى انىقتالدى، دەپ حابارلايدى Almaty-akshamy.kz.
– ەلدە بولۋ ەرەجەلەرىن بۇزعانى ءۇشىن 4475 شەتەلدىك؛
– زاڭسىز جۇمىس ىستەگەنى ءۇشىن 2118 شەتەلدىك؛
– 613 جۇمىس بەرۋشى شەتەلدىك جۇمىس كۇشىن زاڭسىز پايدالانعانى ءۇشىن؛
– 2624 جەكە جانە زاڭدى تۇلعا وزدەرىمەن بىرگە جۇرگەن شەتەلدىكتەر تۋرالى پوليسياعا دەر كەزىندە حابار بەرمەگەنى ءۇشىن جاۋاپكەرشىلىككە تارتىلدى.
سونىمەن قاتار قوس ازاماتتىقتىڭ 9 فاكتىسى انىقتالدى، شەتەلدىكتەرگە ەلدە تۇرۋعا بەرىلگەن 113 ىقتيارحات كۇشىن جويدى.
كوشى-قون زاڭناماسىن بۇزعانداردى ەلدەن شىعارۋ تۋرالى 850 سوت شەشىمى شىعارىلدى. 121 شەتەلدىك ەلدەن ءماجبۇرلى تۇردە شىعارىلدى. بارلىق دەپورتاسيالانعاندارعا بەس جىلعا قازاقستانعا كىرۋگە تىيىم سالىنادى. ىزدەۋدە جۇرگەن 37 شەتەلدىك ۇستالدى.
كوشى-قون قىزمەتى ەلگە شەتەلدىكتەردى شاقىراتىن قازاقستاندىقتارعا شاقىرىلعان شەتەلدىك ازاماتتاردىڭ ەلدەن ۋاقتىلى كەتۋىن ۇيىمداستىرۋ قاجەتتىگىن ەسكە سالادى. قاۋىپسىزدىك پەن قوعامدىق ءتارتىپتىڭ ساقتالۋىن قالايتىن ازاماتتاردىڭ ارقاسىندا پوليسەيلەر ءبىرقاتار زاڭ بۇزۋشىلىقتى انىقتادى.
مىسالى، الماتىدا جەكە جاتاقحانا يەسى جاتاقحانادا تۇراتىن كۇدىكتى ادامدار تۋرالى كوشى-قون قىزمەتىنە ارىزدانعان. تەكسەرۋ بارىسىندا 30 شەتەلدىكتىڭ كەلۋ مەرزىمىن بۇزعانى انىقتالدى.