بۇگىنگى ىقتيمال اۋا رايى.
"قازگيدرومەت" مالىمەتىنشە، سينوپتيكتەردىڭ بولجاۋى بويىنشا، بەيسەنبىدە ەلىمىزدە جاڭبىر جاۋىپ، تۇمان تۇسەدى، جەل كۇشەيۋى ىقتيمال، دەپ حابارلايدى Almaty-akshamy.kz.
بۇگىن 12 تامىزدا سيكلونعا بايلانىستى ەلىمىزدىڭ باسىم بولىگىندە جاڭبىر جاۋادى، سولتۇستىك-شىعىستا نوسەر جاۋۋى ىقتيمال، نايزاعاي جارقىلدايدى. رەسپۋبليكانىڭ باتىسىندا، وڭتۇستىك-باتىسىندا جانە وڭتۇستىگىندە كۇن رايى اشىق بولادى.
سونداي-اق ەلىمىزدىڭ كەي جەرلەرىندە بۇرشاق جاۋىپ، جەل كۇشەيەدى، وڭتۇستىكتە شاڭدى داۋىل سوعادى، سولتۇستىك وڭىرلەردە تۇمان ءتۇسۋى ىقتيمال. سولتۇستىك قازاقستان وبلىسىنىڭ كەي جەرلەرىندە نايزاعاي ويناپ، بۇرشاق جاۋادى، داۋىل سوعۋى مۇمكىن، تۇمان تۇسەدى، تۇندە كەي جەرلەردە، كۇندىز باسىم بولىگىندە جەل 15-20 م/س كۇشەيەدى. اقمولا، پاۆلودار وبلىستارىنىڭ كەي جەرلەرىندە نايزاعاي ويناپ، بۇرشاق جاۋادى، تۇمان ءتۇسۋى مۇمكىن، جەل 15-20 م/س كۇشەيەدى.
شىعىس قازاقستان وبلىسىنىڭ كەي جەرلەرىندە نايزاعاي ويناپ، بۇرشاق جاۋۋى مۇمكىن، جەل 15-20 م/س كۇشەيەدى. قوستاناي وبلىسىنىڭ كەي جەرلەرىندە نايزاعاي ويناپ، تۇمان ءتۇسۋى مۇمكىن، كۇندىز جەل 15-20 م/س كۇشەيەدى.
كۇندىز الماتى وبلىسىنىڭ كەي جەرلەرىندە نايزاعاي وينايدى، جاڭبىر كەزىندە جەل 18-23 م/س كۇشەيەدى.
كۇندىز قاراعاندى وبلىسىنىڭ كەي جەرلەرىندە نايزاعاي ويناپ، جەل 15-20 م/س كۇشەيەدى.
كۇندىز جامبىل وبلىسىنىڭ تاۋلى اۋداندارىندا نايزاعاي ويناپ، بۇرشاق جاۋۋى ىقتيمال، كەي جەرلەردە جەل 15-20 م/س كۇشەيەدى. تۇركىستان، قىزىلوردا، باتىس قازاقستان وبلىستارىنىڭ كەي جەرلەرىندە كۇندىز جەل 15-20 م/س كۇشەيەدى، قىزىلوردا وبلىسىنىڭ كەي جەرلەرىندە شاڭدى داۋىل سوعادى. اقتوبە وبلىسىنىڭ كەي جەرلەرىندە جەل 18 م/س كۇشەيەدى.
كۇندىز اتىراۋ وبلىسىندا وتە ىستىق، ماڭعىستاۋ وبلىسىنىڭ باسىم بولىگىندە ىستىق بولادى، وبلىستىڭ وڭتۇستىگىندە، باتىس قازاقستان وبلىسىنىڭ وڭتۇستىگىندە قاتتى ىستىق بولادى.
قىزىلوردا، تۇركىستان، ماڭعىستاۋ، اتىراۋ، جامبىل، اقتوبە، باتىس قازاقستان، الماتى وبلىستارىنىڭ باسىم بولىگىندە، قاراعاندى وبلىسىنىڭ كەي جەرلەرىندە، قوستاناي، شىعىس قازاقستان وبلىستارىنىڭ وڭتۇستىگىندە، اقمولا وبلىسىنىڭ جەكەلەگەن اۋداندارىندا توتەنشە ءورت ءقاۋپى ساقتالادى.