بۇل كۇن 2005 جىلدان بەرى تويلانىپ كەلەدى، - دەپ حابارلايدى Aqshamnews.kz
1941 جىلى قازاق كسر حالىق كوميسسارلارى كەڭەسىنىڭ قاۋلىسىمەن الماتى كينوستۋدياسى قۇرىلعان ەدى.
1960 جىلى كينوستۋديا اتاۋى «قازاقفيلم» بولىپ وزگەرتىلسە، 1984 جىلى وعان قازاق كينەماتوگرافياسىنىڭ كەمەڭگەر قايراتكەرى شاكەن ايمانوۆتىڭ ەسىمى بەرىلگەن.
قازاق كينوسى كۇنىن اتاپ ءوتۋدى 2005 جىلى قازاقستان كينەماتوگرافيستەرى وداعىنىڭ باسشىسى بولعان باۋىرجان نوگەربەكوۆ ۇسىندى. سودان بەرى 12 قىركۇيەكتە «قازاق كينوسىنىڭ كۇنى» جىل سايىن اتالىپ وتىلەدى.
قازاق كينوسى – حالقىمىزدىڭ رۋحاني ايناسى، ۇلتتىق قۇندىلىقتارىمىزدى الەمگە تانىتاتىن مادەنيەتىمىزدىڭ بيىك شىڭى. 1938 جىلى العاشقى تولىقمەتراجدى «امانگەلدى» فيلمىنەن باستاۋ العان ۇلتتىق كينەماتوگرافيا بۇگىندە الەمدىك ارەنادا ءوز ورنىن تاۋىپ وتىر.