ەلىمىزدىڭ باسىم بولىگىندە قاتتى جەل تۇرىپ، نايزاعاي وينايدى
12 مامىردا قازاقستاننىڭ 11 وبلىسىندا قولايسىز اۋا رايىنا بايلانىستى ەسكەرتۋ جاريالاندى، دەپ حابارلايدى Almaty-akshamy.kz "قازگيدرومەت" رمك-عا سىلتەمە جاساپ.
كۇندىز اقتوبە وبلىسىنىڭ سولتۇستىگىندە نايزاعاي وينايدى دەپ بولجانادى. كۇندىز وبلىستىڭ سولتۇستىگىندە، ورتالىعىندا سولتۇستىك-شىعىستان باتىسقا ويىسا سوققان جەلدىڭ ەكپىنى 15 م/س قۇرايدى. اقتوبەدە كۇندىز نايزاعاي وينايدى. سولتۇستىك-شىعىستان باتىسقا ويىسا سوققان جەلدىڭ ەكپىنى - 15 م/س.
تۇندە باتىس قازاقستان وبلىسىنىڭ وڭتۇستىگىندە، باتىسىندا، ورتالىعىندا جاڭبىر جاۋادى. تۇندە ءوڭىردىڭ وڭتۇستىگىندە، باتىسىندا، ورتالىعىندا، كۇندىز باتىس، سولتۇستىك اۋماقتا نايزاعاي جارقىلداپ، كۇن كۇركىرەيدى. كۇندىز وبلىستىڭ باتىسىندا، سولتۇستىگىندە بۇرشاق جاۋۋى مۇمكىن. كۇندىز وبلىستىڭ ورتالىعىندا، باتىسىندا، وڭتۇستىگىندە باتىستان، سولتۇستىك-باتىستان 15-20 م/س جىلدامدىقپەن جەل سوعادى. ورال قالاسىندا نايزاعاي ويناپ، كۇندىز بۇرشاق جاۋادى دەپ كۇتىلەدى.
جامبىل وبلىسىنىڭ وڭتۇستىگىندە جانە تاۋلى اۋداندارىندا نايزاعاي وينايدى دەپ بولجانادى. كۇندىز ءوڭىردىڭ وڭتۇستىك-باتىس، سولتۇستىك-شىعىس، تاۋلى ايماقتارىندا وڭتۇستىك-باتىستان سوققان جەلدىڭ ەكپىنى 15-20 م/س قۇرايدى.
تۇركىستان وبلىسىنىڭ وڭتۇستىگىندە، تاۋلى اۋداندارى مەن تاۋ بوكتەرىندە نايزاعاي وينايدى دەپ كۇتىلەدى. وڭتۇستىك-باتىستان سوققان جەلدىڭ نايزاعاي كەزىندەگى ەكپىنى - 15-20 م/س. وبلىستىڭ ورتالىعىندا، سولتۇستىگىندە توتەنشە ءورت ءقاۋپى ساقتالادى. شىمكەنتتە كۇندىز نايزاعاي بولادى. وڭتۇستىك-باتىستان سوققان جەلدىڭ نايزاعاي كەزىندەگى ەكپىنى - 15-20 م/س.
تاڭەرتەڭ جانە تۇستەن كەيىن قوستاناي وبلىسىنىڭ ورتالىعىندا، باتىسىندا، سولتۇستىك-باتىسىندا نايزاعاي وينايدى دەپ كۇتىلەدى. كۇندىز وبلىستىڭ ورتالىعىندا بۇرشاق جاۋۋى مۇمكىن. تۇندە جانە تاڭەرتەڭ ايماقتىڭ سولتۇستىك جارتىسىندا تۇمان بولادى. كۇندىز وبلىستىڭ ورتالىعىندا، باتىسىندا شىعىستان، سولتۇستىك-شىعىستان سوققان جەلدىڭ ەكپىنى 15-20 م/س قۇرايدى. تۇندە وبلىستىڭ سولتۇستىك-شىعىسىندا، شىعىسىندا توپىراق بەتى قاتىپ، ۇسىك جۇرەدى، سىناپ باعانى -2 گرادۋسقا دەيىن تومەندەيدى. وبلىستىڭ وڭتۇستىگىندە ءورت ءقاۋپى جوعارى. قوستانايدا تۇندە جانە تاڭەرتەڭ تۇمان بولادى.
كۇندىز اقمولا وبلىسىنىڭ سولتۇستىگىندە، باتىسىندا نايزاعاي وينايدى دەپ بولجانادى. تۇندە جانە تاڭەرتەڭ وبلىستىڭ باتىسىندا تۇمان بولادى. سولتۇستىك-شىعىستان وبلىستىڭ وڭتۇستىگىندە، باتىسىندا سوققان جەلدىڭ ەكپىنى 15-20 م/س قۇرايدى. تۇندە وبلىستىڭ سولتۇستىگىندە سىناپ باعانى -3 گرادۋسقا دەيىن تومەندەپ، ۇسىك جۇرەدى. كوكشەتاۋدا تۇندە توپىراق بەتى قاتىپ، ۇسىك جۇرەدى، سىناپ باعانى -3 گرادۋسقا دەيىن تومەندەيدى دەپ كۇتىلەدى.
تۇندە اتىراۋ وبلىسىنىڭ باتىسىندا، سولتۇستىگىندە نايزاعاي وينايدى دەپ كۇتىلەدى. وبلىستىڭ وڭتۇستىگىندە، سولتۇستىگىندە، شىعىسىندا سولتۇستىك-باتىستان 15-20 م/س جىلدامدىقپەن جەل سوعادى.
كۇندىز جەتىسۋ وبلىسىنىڭ سولتۇستىگىندە، شىعىسىندا وڭتۇستىك-باتىستان 15-20 م/س، الاكول اۋدانىندا 25 م/س جىلدامدىقپەن جەل سوعادى.
تۇندە جانە تاڭەرتەڭ پاۆلودار وبلىسىنىڭ وڭتۇستىك-شىعىسىندا نايزاعاي وينايدى دەپ بولجانادى، تۇندە وبلىستىڭ سولتۇستىگىندە سىناپ باعانى -1 گرادۋسقا دەيىن تومەندەپ، ۇسىك جۇرەدى. وبلىستىڭ شىعىسىندا تۇندە سولتۇستىكتەن سوققان جەلدىڭ ەكپىنى - 15 م/س.
كۇندىز سولتۇستىك قازاقستان وبلىسىنىڭ وڭتۇستىك-باتىسىندا نايزاعاي وينايدى دەپ بولجانادى. تۇندە جانە تاڭەرتەڭ وبلىستىڭ سولتۇستىگىندە تۇمان بولادى. كۇندىز وبلىستىڭ وڭتۇستىك-باتىسىندا سولتۇستىك-شىعىستان سوققان جەلدىڭ ەكپىنى 15-20 م/س قۇرايدى. تۇندە وبلىستىڭ سولتۇستىگىندە سىناپ باعانى -2 گرادۋسقا دەيىن تومەندەپ، ۇسىك جۇرەدى. پەتروپاۆلدا تۇندە توپىراق بەتى قاتىپ، سىناپ باعانى -2 گرادۋسقا دەيىن تومەندەيدى، ۇسىك جۇرەدى دەپ كۇتىلەدى.
قىزىلوردا وبلىسىنىڭ ورتالىعىندا وڭتۇستىك-باتىستان، باتىستان سوققان جەلدىڭ ەكپىنى 15-20 م/س بولادى دەپ كۇتىلەدى. قىزىلوردادا توتەنشە ءورت ءقاۋپى ساقتالادى.