الماتىدا موپەد پەن ساموكات جۇرگىزۋشىلەرى ءبىر تاۋلىك ىشىندە 115 ءتارتىپ بۇزۋشىلىق جاساعان، – دەپ حابارلايدى اlmaty-akshamy.kz Polisia.kz-كە سىلتەمە جاساپ.
جەرگىلىكتى پوليسيا قىزمەتىنىڭ پاترۋلدىك جانە يۋۆەنالدى پوليسيا قىزمەتكەرلەرى ارنايى رەيد جۇرگىزدى.
– جولاۋشىلاردى تاسىمالداۋ ەرەجەلەرىنىڭ تالاپتارىن، جول قيىلىستارىنان ءوتۋ ەرەجەلەرىن، قورعانىس قۇرالدارىن مىندەتتى پايدالانۋ تالاپتارىن ەلەمەي، جول قوزعالىسى ەرەجەلەرىن بۇزعانى ءۇشىن 115 ادام اكىمشىلىك جاۋاپكەرشىلىككە تارتىلدى، ونىڭ ىشىندە 47- ءى ساموكات پايدالانۋشىلارى، 68ء-ى موپەديست. كامەلەتكە تولماعانداردىڭ ميكروموبيل كولىگىن پايدالانۋىنا ەرەكشە نازار اۋدارىلدى. بالالارىنا ساموكات پەن موپەد مىنۋگە رۇقسات بەرگەن سەگىز اتا-انا جاۋاپقا تارتىلدى. كەيبىر جاعدايلاردا بالالار مەكتەپكە وسى كولىكپەن كەلگەن، بۇل جالپى زاڭ مەن قاۋىپسىزدىك نورمالارىنا قايشى كەلەدى، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.
بۇرىن حابارلانعانداي، جىل باسىنان بەرى ساموكاتتاردىڭ قاتىسۋىمەن 25 جول-كولىك وقيعاسى تىركەلىپ، 2 ادام قازا تاۋىپ، 27 ادام جاراقات العان. ال موپەدتەردىڭ قاتىسۋىمەن 292 جول-كولىك وقيعاسى تىركەلىپ، ناتيجەسىندە 14 ادام قازا تاپتى، بىلتىر ەكى ادام قايتىس بولدى.