بۇگىن قازاقستان اۋماعىنىڭ باسىم بولىگى اۋقىمدى انتيسيكلون ىقپالىندا بولادى.
وسىعان وراي جاۋىن-شاشىنسىز كۇن رايى كۇتىلەدى، دەپ حابارلايدى Almaty-akshamy.kz
بۇل تۋرالى «قازگيدرومەت» رمك ءمالىم ەتتى.
رەسپۋبليكانىڭ تەك باتىسى مەن شىعىسىندا جاڭبىر مەن قار تۇرىندە جاۋىن-شاشىن بولجانادى. ەلدىڭ جەكەلەگەن وڭىرلەرىندە تۇمان، كوكتايعاق، ەكپىندى جەل، جاياۋ بۇرقاسىن بولادى.
اتىراۋ وبلىسىنىڭ باتىس جانە ورتالىق بولىگىندە تۇمان، كوكتايعاق بولجانادى. ءوڭىردىڭ شىعىسىندا جەل 15-20 م/س دەيىن كۇشەيەدى. تۇندە ماڭعىستاۋ وبلىسىنىڭ باتىسى مەن ورتالىعىندا – كوكتايعاق، وڭتۇستىگىندە 15-20 م/س جىلدامدىقتا جەل كۇتىلەدى.
كۇندىز اقتوبە وبلىسىنىڭ باتىسىندا جاياۋ بۇرقاسىن بولجانادى، ءوڭىردىڭ شىعىسىندا تۇندە جەلدىڭ كۇشى 15-20 م/س ارتادى.
تۇركىستان وبلىسىنىڭ وڭتۇستىگى مەن باتىسىندا، سونداي-اق تاۋلى، تاۋ بوكتەرلى اۋماقتارىندا تۇمان بولجانادى. تاۋلى اۋدانداردا جەلدىڭ ەكپىنى 15-20 م/س كۇشەيەدى.
الماتى وبلىسىنىڭ وڭتۇستىگى مەن شىعىسىندا تۇمان، كوكتايعاق بولادى. جالاڭاشكول اۋماعىندا جەلدىڭ جىلدامدىعى 18-23 م/س ارتادى.
شىعىس قازاقستان وبلىسىنىڭ سولتۇستىك بولىگىندە جەل 15-20 م/س جەتەدى. ءوڭىردىڭ سولتۇستىگىندە تۇندە جاياۋ بۇرقاسىن جۇرەدى.
جامبىل وبلىسىنىڭ سولتۇستىگى مەن تاۋلى اۋداندارىندا تۇمان، كوكتايعاق كۇتىلەدى.
اقمولا وبلىسىنىڭ وڭتۇستىك-شىعىسىندا، باتىس قازاقستان وبلىسىنىڭ باتىسىندا، قوستاناي جانە قاراعاندى وبلىستارىنىڭ شىعىسىندا، قىزىلوردا وبلىسىنىڭ ورتالىعىندا، سولتۇستىك قازاقستان جانە پاۆلودار وبلىستارىنىڭ وڭتۇستىگىندە تۇمان بولادى.