بۇل تۋرالى ق ر ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ ءمالىم ەتتى.
ەلدە 10 013 رەفەرەندۋم ۋچاسكەسى ىسكە قوسىلادى، دەپ حابارلايدى Almaty-akshamy.kz
«بۇگىن ءبىز رەسپۋبليكالىق رەفەرەندۋمدى ازىرلەۋدىڭ ماڭىزدى ماسەلەلەرىن قاراستىردىق. وسىلايشا، رەفەرەندۋمدى ۇيىمداستىرۋ مەن وتكىزۋ جونىندەگى ناۋقان جاڭا كەزەڭگە اياق باستى. ۋچاسكەلىك رەفەرەندۋم كوميسسيالارى جۇمىسقا تولىعىمەن كىرىستى. تىڭدالعان ەسەپتەرگە سۇيەنسەك، ناقتى جۇمىستار جۇرگىزىلدى. جالپى، 10 013 رەفەرەندۋم ۋچاسكەسى ىسكە قوسىلادى»، - دەدى ن. ءابدىروۆ.
وسى ورايدا وسك ءتوراعاسى اتالعان ۋچاسكەلەردە داۋىس بەرۋ ءۇشىن بارلىق جاعداي جاساۋدى تاپسىردى.
«رەسپۋبليكالىق رەفەرەندۋمعا قاتىسۋ قۇقىعى بار ازاماتتاردىڭ تىزىمىنە توقتالساق، 15 مامىرداعى اقپارات بويىنشا بۇل تىزىمدە 11 ملن 722 مىڭ 536 ادام ەنگىزىلگەن. جەرگىلىكتى اتقارۋشى ورگاندار ۋچاسكەلەردىڭ داۋىس بەرۋ كۇنىنە دايىندىق ماسەلەلەرىن باقىلاۋدا ۇستاۋى قاجەت. مۇگەدەكتىگى بار ادامدار ءۇشىن بارلىق جاعدايدى قامتاماسىز ەتۋ باعىتىندا قاجەتتى ءىس-شارالاردى جۇزەگە اسىرۋعا نازارلارىڭىزدى اۋدارامىن. وسى ورايدا ولارعا ىڭعايلى بولۋى ءۇشىن ينۆوتاكسي تارتۋ ماسەلەلەرى جانە باسقا دا قادامدار قوسىمشا پىسىقتالسىن»، - دەدى ن. ءابدىروۆ رەفەرەندۋمدى وتكىزۋ جۇمىستارىنا جۇمىلدىرىلعاندارعا قاراتا ايتقان سوزىندە.
بۇدان بۇرىن حابارلانعانداي، 5 ماۋسىمدا وتەتىن رەفەرەندۋمعا قاتىسا الاتىن ازاماتتاردىڭ ءتىزىمى جاساقتالىپ جاتقانى ايتىلعان ەدى. رەفەرەندۋمدا 11 ءوڭىر حالقى جاقتاپ داۋىس بەرسە، كونستيتۋسياعا وزگەرىس ەنگىزىلەدى.