باياندا وينايتىن قازاقستاندىق 11 جاستاعى رادمير حايبۋللين. فرانسيادا وتكەن «الەم تروفەيى» بايقاۋىندا باس جۇلدەگە يە بولدى، دەپ حابارلايدى «حابار 24».
دۇنيەجۇزىلىك بايانشىلار مەن اككوردەونشىلار كونفەدەراسياسى بايقاۋدى 1951 جىلدان بەرى ۇيىمداستىرىپ كەلە جاتىر. رادمير بۇل سايىسقا قاشىقتان قاتىسۋ وڭايعا تۇسپەگەنىن ايتادى.
ۇستازى رۋسلان تۇرايەۆ وسىدان 6 جىل بۇرىن سەمەيدە قىزمەت ەتىپ جۇرگەندە بالاقايدى قابىلداپ العان ەدى. كەيىن قىزمەت بابىمەن استاناعا اۋىسقان سوڭ، ءرادميردىڭ اتا-اناسى بالانىڭ بولاشاعى ءۇشىن باس شاھارعا كوشۋگە شەشىم قابىلدادى. بۇگىندە جاس دارىن تالىمگەرى ساباق بەرەتىن قازاق ۇلتتىق ونەر ۋنيۆەرسيتەتى جانىنداعى مۋزىكالىق مەكتەپتە وقىپ جاتىر.
- مەنىڭ اتام بىرنەشە مۋزىكا اسپابىندا وينايتىن. ءبىراق كوبىنە سىرناي تارتقاندى جاقسى كورەتىن. سول سەبەپتى اتا-انام مەنى سىرناي كلاسىنا جازدىرماق بولدى. ءبىراق سەمەيدەگى مۋزىكالىق مەكتەپتە سىرناي كلاسى بولمادى. سوسىن رۋسلان الەكساندر ۇلى مەن ءۇشىن ادەيى سىرناي ساباعىن الىپ، ءوزى مەڭگەرىپ، كەيىن مەنى ۇيرەتە باستادى. ال استاناعا كوشكەن سوڭ بايانعا اۋىستىم، - دەيدى رادمير حايبۋللين