جالپى، حالىقتى جانە اۋماقتى سۋ تاسقىنىنان قورعاۋ جانە اۆاريالىق-قۇتقارۋ جۇمىستارى جالعاسۋدا، دەپ حابارلايدى almaty-akshamy.kz اقتوبە وبلىسى تجد قوعاممەن بايلانىس توبىنا سىلتەم جاساپ.
وبلىس اۋماعىندا 1053 ءۇيدى سۋ باستى.
ەۆاكۋاسيالانعان 1518 ادام ۋاقىتشا ورنالاستىرۋ پۋنكتتەرىنە ورنالاستىرىلدى، 5858 ادام تۋىستارىندا. 10663 باس مال ءقاۋىپسىز جەرلەرگە ايدالدى.
وتكەن تاۋلىكتە، تاۋلىكتىڭ تۇنگى ۋاقىتىن قوسا العاندا، ءقاۋىپتى ۋچاسكەلەردە شامامەن 100 دانا قاپ جانە 100 توننا ينەرتتى ماتەريال توسەلدى، 2630 م3 تەكشە مەتر سۋ سورىلدى.
اۆاريالىق قۇتقارۋ جۇمىستارىنا 349 ادام، 57 تەحنيكا، 16 سۋ سورۋ قۇرىلعىسى جانە 5 ءجۇزۋ قۇرالى جۇمىلدىرىلدى.
مۇددەلى قىزمەتتەر مەن ۇيىمداردىڭ قاتىسۋىمەن رەسپۋبليكالىق جانە وبلىستىق جەدەل شتابتار – جاو، قازسۋشار، قازاۆتوجول تاۋلىك بويى جۇمىستى جالعاستىرۋدا.