قىزىلوردا وبلىسىندا بۇگىن رەسپۋبليكالىق رەفەرەندۋمعا 492 مىڭنان استام ادام داۋىس بەرۋگە قۇقىلى. تاڭعى ساعات 7:00-دە وڭىردەگى بارلىق رەفەرەندۋم ۋچاسكەلەرى ءوز جۇمىسىن باستادى.
سايلاۋ ۋچاسكەسىنە العاشقىلاردىڭ ءبىرى بولىپ كەلگەن 103 جاستاعى مايدانگەر ياحيا تاسىروۆ ءوز تاڭداۋىن جاسادى.
سىرداريا اۋدانىندا تۇراتىن ەكىنشى دۇنيەجۇزىلىك سوعىس ارداگەرى ياحيا تاسىروۆ رەفەرەندۋم كۇنى بەلسەندىلىك تانىتىپ، ءوز ۋچاسكەسىندە داۋىس بەردى. قاريا بۇل كۇننىڭ ماڭىزدىلىعىن اتاپ ءوتىپ، كوميسسيا مۇشەلەرىنە اق باتاسىن بەردى.
- بىرلىك ءارقاشان ماڭىزدى. ەل ءۇشىن ماڭىزدى ىستەرگە ۇلەس قوسۋىمىز قاجەت. سوندىقتان ءاربىر ساياسي ناۋقاندا ءوز تاڭداۋىمدى جاسايمىن. مەملەكەتتىڭ دامۋى كەلەشەگىمىز ءۇشىن قاجەت. ۇرپاقتارىمىز امان بولسىن، - دەدى مايدانگەر.