قازاقستان ۇلتتىق بانكى نومينالى 10 000 تەڭگەلىك مەرەيتويلىق بانكنوتانى اينالىمعا شىعارادى، دەپ حابارلايدى almaty-akshamy.kz.
ەسكە سالا كەتەيىك، وسى جىلى قازاقستان رەسپۋبليكاسى ۇلتتىق ۆاليۋتاسىنا 30 جىل تولۋدا.
جاڭا بانكنوتادا 19 قورعانىش ەلەمەنتى بار.
بانكنوتانىڭ الدىڭعى بەتىندە قازاقى ويۋ-ورنەكپەن ءداستۇرلى ستيلدە بەزەندىرىلگەن قازاقستان كارتاسى ايماقتارىمەن بەينەلەنگەن. بانكنوتانىڭ ەكىنشى بەتىندە كارتاداعى ەۋرازيا قۇرلىعىنىڭ جالپى كونتۋرى سىزىلعان. وندا 5 مم ماگنيتتى قورعانىش ءجىپ پەن «₸» بەلگىسى تۇرىندەگى سپارك ەلەمەنتى بار.
نومينالى 10 000 تەڭگەلىك مەرەيتويلىق بانكنوتا ءوز قۇنىنا ساي قازاقستان رەسپۋبليكاسىنىڭ بۇكىل اۋماعىندا تولەمنىڭ بارلىق ءتۇرى بويىنشا قابىلدانۋعا جاتادى.