قوستاناي وبلىسى اتىنان بايقاۋعا قاتىسقان ا.بايتۇرسىنوۆ اتىنداعى وڭىرلىك ۋنيۆەرسيتەتتىڭ 4 كۋرس ستۋدەنتى اقەركە جانمۇرات بايقاۋ جەڭىمپازى اتانىپ، Chevrolet Nexia اۆتوكولىگىن يەلەندى.
الماتى قالاسىندا ASSYLTAS قوعامدىق قورىنىڭ ۇيىمداستىرۋىمەن «100 ولەڭ» رەسپۋبليكالىق بايقاۋى اياقتالدى، دەپ حابارلايدى Almaty-akshamy.kz
24.kz سايتىنىڭ حابارلاۋىنشا، بايقاۋدىڭ باستى تالابى - 100 قازاق اقىنىنىڭ 100 ولەڭىن جاتقا وقۋ بولدى. ەلدەگى ەپيدەميولوگيالىق جاعدايعا بايلانىستى بايقاۋدىڭ ءبىرىنشى ىرىكتەۋ كەزەڭى ZOOM پلاتفورماسى ارقىلى ونلاين فورماتتا ءوتتى. 500-دەن استام قاتىسۋشى ولەڭدەردى تىكەلەي ەفيردە وقىپ، ولاردىڭ 25ء-ى عانا جارتىلاي فينالعا ءوتتى.
فينالدا بارلىعى 4 قاتىسۋشى كەزدەستى. قوستاناي وبلىسى اتىنان ا.بايتۇرسىنوۆ اتىنداعى وڭىرلىك ۋنيۆەرسيتەتتىڭ 4 كۋرس ستۋدەنتى، بايقاۋ جەڭىمپازى اقەركە جانمۇرات قاتىستى. اقەركە XVII-XXI عاسىرلارداعى ءتۇرلى قازاق اقىندارىنىڭ شىعارمالارىن تاڭدادى. اۆتورلار اراسىندا اباي قۇنانبايەۆ، شاكارىم قۇدايبەردى ۇلى، ماعجان جۇمابايەۆ جانە تاعى باسقالارى بولدى. قازىرگى اقىندار: باقىت بەدەلحان، يسرايل ساپارباي، مارالتاي رايىمبەك ۇلى، ەسەنعالي راۋشانوۆ جانە ولجاس قاسىم دا نازاردان تىس قالعان جوق.
بايقاۋدىڭ باس جۇلدەسىنە Chevrolet Nexia جاڭا اۆتوكولىگى قويىلدى. ايتا كەتەيىك، بۇل اقەركە بايقاۋلارداعى العاشقى جەڭىسى ەمەس – بۇرىن بويجەتكەن رەسپۋبليكالىق پاندىك وليمپياداعا، حالىقارالىق دەڭگەيدەگى «ءححى عاسىر كوشباسشىسى» ينتەللەكتۋالدىق ويىنىنا، سونداي-اق ولەڭ وقۋدىڭ ءتۇرلى وبلىستىق بايقاۋلارىنا قاتىسىپ، ءابسوليۋتتى جەڭىمپاز اتانعان بولاتىن.