المالى اۋدانىندا ءجيى كوتەرىلەتىن ماسەلەلەردىڭ ءبىرى – جول قاۋىپسىزدىگىن قامتاماسىز ەتۋ.
قازىرگى ۋاقىتتا المالى اۋدانىندا 3 جاڭا باعدارشام نىسانىن جانە 10 رەتتەلەتىن جاياۋ جۇرگىنشىلەر وتكەلىن سالۋ ءۇشىن جوبالاۋ-سمەتالىق قۇجاتتاما ازىرلەنۋدە، دەپ حابارلايدى Almaty-akshamy.kz.
جوبالاۋ-سمەتالىق قۇجاتتامانىڭ اياقتالۋ مەرزىمى – وسى جىلدىڭ مامىر ايى. قۇرىلىس-مونتاجداۋ جۇمىستارىنىڭ اياقتالۋ مەرزىمى – 2023 جىلدىڭ قاراشا ايى.
«وسى جىلدىڭ ناۋرىز ايىندا جول قاۋىپسىزدىگىن جاقسارتۋ ماقساتىندا اۋدان كوشەلەرىنە 38 «سەرگەك» اپپاراتتىق-باعدارلامالىق كەشەنى ورناتىلدى. اۋداندا ادامدار كوپ جينالاتىن ورىنداردا بەينەمونيتورينگ جۇيەلەرىنىڭ جەلىسىن كەڭەيتۋ جوباسى شەڭبەرىندە بيىلعى جىلدىڭ سوڭىنا دەيىن قوسىمشا 650 كامەرا ورناتۋ جوسپارلانۋدا»، - دەدى ە.دوسايەۆ المالى اۋدانى تۇرعىندارىمەن كەزدەسۋىندە.