وتىنىمدەر الەۋمەتتىك قىزمەتتەر پورتالى ارقىلى راسىمدەلەدى.
بيىل 10 061 مۇگەدەكتىگى بار ادام، ونىڭ ىشىندە ەرەكشە قاجەتتىلىكتەرى بار بالالار ساناتورلىق-كۋرورتتىق ەمدەلۋدەن ءوتتى، دەپ حابارلايدى Almaty-akshamy.kz.
مۇگەدەكتىگى بار ادامدار نەگىزگى اۋرۋلاردىڭ پروفيلاكتيكاسى ماقساتىندا، مەديسينالىق كورسەتىلىمدەردى ەسكەرە وتىرىپ، وڭالتۋدىڭ جەكە باعدارلاماسى نەگىزىندە جىل سايىن ساناتورلىق-كۋرورتتىق ەمدەلۋدەن وتەدى.
«وتكەن جىلدان باستاپ ساناتورلىق-كۋرورتتىق ەمدەلۋگە وتىنىمدەر الەۋمەتتىك قىزمەتتەر پورتالى (http://aleumet.egov.kz) ارقىلى راسىمدەلەدى. ەندى مۇگەدەكتىگى بار ادامدار جەكە قاجەتتىلىكتەردى، جاعدايلاردى، قولجەتىمدىلىكتى، ساۋىقتىرۋ راسىمدەرىنىڭ كولەمدەرىن جانە ت. ب. ەسكەرە وتىرىپ، پورتالدا تىركەلگەن، ولار ءۇشىن ىڭعايلى كەز كەلگەن ءساناتورييدى ءوز بەتىنشە تاڭداۋ مۇمكىندىگىنە يە بولادى»،- دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
بۇگىنگى كۇنى وڭىرلەردىڭ كوميسسيالارى پورتالعا 93 ساناتورلىق-كۋرورتتىق ۇيىمدى جىبەردى. ولاردىڭ قاتارىندا «ششۋچينسكيي» شيپاجايى» اق (اقمولا وبلىسى)، «جەتىسۋ» شيپاجايى» ج ش س (تۇركىستان وبلىسى)، «مينەرالدى سۋ» شيپاجايى» ج ش س (شىمكەنت قالاسى)، ز. ب. بەيسەكوۆ اتىنداعى «قازاق سوقىرلار قوعامىنىڭ «سپۋتنيك» دەمالىس ءۇيى» ج ش س (الماتى وبلىسى)، «سوسنوۆىي بور» شيپاجايى» ج ش س (قوستاناي وبلىسى)، «سولنەچنىي» بالالار ءساناتورييى» مەملەكەتتىك ەمەس مەديسينالىق مەكەمەسى (سقو) جانە باسقالارى بار.
ق ر پارلامەنتى سەناتى باستاماشىلىق ەتكەن مۇگەدەكتىگى بار ادامدى الەۋمەتتىك قورعاۋ ماسەلەلەرى جونىندەگى جاڭا زاڭ جوباسى اياسىندا مۇگەدەكتىگى بار بالالاردىڭ اتا-انالارىنىڭ ۇسىنىستارىن ەسكەرە وتىرىپ، مۇگەدەكتىگى بار بالا ساناتوريي-كۋرورتتىق ەمدەلۋدەن وتكەن كەزدە وعان ىلەسىپ جۇرۋگە ارنالعان شىعىستاردى وتەۋ كوزدەلگەن.
بۇل تۇزەتۋلەر ساناتورلىق-كۋرورتتىق ەمدەۋمەن بارىنشا كوپ بالانى قامتۋعا مۇمكىندىك بەرەدى. زاڭ جوباسىن ءماجىلىس ەكى وقىلىمدا ماقۇلدادى جانە ق ر پارلامەنتى سەناتىنا قاراۋعا جىبەرىلدى.