ەلىمىزدە وقۋشىلار ەكىنشى توقساندى 29 جەلتوقسان كۇنى قورىتىندىلادى.
قىسقى دەمالىس 8 قاڭتاردا اياقتالىپ، وقۋشىلار ءبىلىم ۇياسىنا ورالادى. ال مەكتەپ تابالدىرىعىن جاڭا اتتاعان 1 سىنىپ وقۋشىلارىنا قىستا تاعى ءبىر قوسىمشا دەمالىس بەرىلەدى، دەپ حابارلايدى Almaty-akshamy.kz وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ.
1 سىنىپ وقۋشىلارى قىس مەزگىلىندە ەكى رەت دەمالادى. ولار ءۇشىن قىستاعى قوسىمشا دەمالىس كۇندەرى 5 - 11 اقپان ارالىعىنا جوسپارلانعان. ياعني، بۇلدىرشىندەر ءىىى توقساندا تاعى 7 كۇن كانيكۋلدا بولادى.
وسىلايشا 2023-2024 وقۋ جىلىندا ءبىرىنشى سىنىپ وقۋشىلارى 33 اپتا، 2-11 (12) سىنىپتار 34 اپتا وقيدى.
ال ءۇشىنشى توقسان 10 وقۋ اپتاسىن قۇرايدى. كوكتەمگى كانيكۋل 21 ناۋرىزدا باستالىپ، 31 ناۋرىزعا (قوسا العاندا) دەيىن جالعاسادى.
بيىل سوڭعى قوڭىراۋ قالىپتاسقان داستۇرگە ساي 25 مامىر كۇنى سوعىلادى.