تىيىم جۇڭگو تاراپىنان جاسالعان شەكتەۋگە بايلانىستى.
قازاقستان-قىتاي شەكاراسىنداعى دوستىق ستانسياسىندا استىق كونتەينەرلەرى 1 قىركۇيەكتەن باستاپ قابىلدانبايدى، دەپ حابارلايدى Almaty-akshamy.kz
قتج باسپا ءسوز قىزمەتىنە سىلتەمە جاساپ.
"جۇڭگو تاراپى الاشانكوۋ ستانسياسىنىڭ قايتا تيەۋ الاڭىندا جوندەۋ جۇمىستارىنا بايلانىستى كونتەينەرلەردە جۇكتەردى قابىلداۋعا شەكتەۋلەر ەنگىزدى"، - دەلىنگەن ۇلتتىق كومپانيانىڭ حابارلاماسىندا.
سوندىقتان "قازاقستان تەمىر جولى" 2023 جىلعى 1-10 قىركۇيەك ارالىعىندا قازاقستاننىڭ بارلىق ستانسيالارىنان قحر-داعى دوستىق ستانسياسى ارقىلى كونتەينەرلەردە استىق جۇكتەرىن، ۇنتاقتاۋ ونىمدەرىن، كەبەكتى، داقىلداردى تاسىمالداۋعا ۋاقىتشا تىيىم سالۋدى ەنگىزەدى، دەپ اتاپ ءوتتى كومپانيانىڭ باسپا ءسوز قىزمەتى.