سينوپتيكتەر بۇگىنگى كۇن رايىن بولجادى
«قازگيدرومەت» رمك مەكەمەسى 1 قىركۇيەككە ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
اتموسفەرالىق فرونتتار قازاقستاننىڭ شىعىس، وڭتۇستىك-شىعىس ايماقتارىنا اسەر ەتەدى. سونىڭ سالدارىنان نايزاعاي جارقىلداپ، جاڭبىر جاۋادى. شىعىس قازاقستان وبلىسىنىڭ سولتۇستىك-شىعىسىندا نوسەر جاڭبىر جاۋادى.
وڭتۇستىكتە، شىعىستا، وڭتۇستىك-باتىستا جەل كۇشەيەدى. وڭتۇستىك-باتىستا - شاڭدى داۋىل، وڭتۇستىك-شىعىستا - بۇرشاق، سولتۇستىك-شىعىستا جانە ورتالىقتا - تۇمان كۇتىلەدى.
شىعىس قازاقستان وبلىسىندا نايزاعاي ويناپ، تۇندە جانە تاڭەرتەڭ سولتۇستىگىندە تۇمان تۇسەدى. نايزاعاي كەزىندە جەل ەكپىنى 15-20 م/س دەيىن كۇشەيەدى.
الماتى وبلىسىنىڭ سولتۇستىگىندە جانە تاۋلى اۋداندارىندا، جامبىل وبلىسىنىڭ شىعىسىندا جانە تاۋلى اۋداندارىندا كۇن كۇركىرەپ، بۇرشاق جاۋادى. جەل قارقىنى - 17-22 م/س.
تۇركىستان وبلىسىنىڭ تاۋلى اۋداندارىندا نايزاعاي وينايدى. نايزاعاي كەزىندە جەلدىڭ كۇشى 15-20 م/س جەتەدى. قاراعاندى وبلىسىنىڭ شىعىسىندا كۇن كۇركىرەيدى، تۇندە جانە تاڭەرتەڭ سولتۇستىگىندە تۇمان تۇسەدى.
پاۆلودار وبلىسىنىڭ سولتۇستىك-باتىسىندا جانە وڭتۇستىك-باتىسىندا تۇمان تۇسەدى. ماڭعىستاۋ وبلىسىنىڭ سولتۇستىك-شىعىسىندا شاڭدى داۋىل كوتەرىلەدى. قوستاناي، اقمولا وبلىستارىنىڭ سولتۇستىگىندە، سولتۇستىك قازاقستان وبلىسىنىڭ سولتۇستىك-باتىسىندا، قاراعاندى وبلىسىنىڭ سولتۇستىگىندە جانە شىعىسىندا توپىراق بەتىندە 2 گرادۋس ۇسىك جۇرەدى. كۇندىز باتىس قازاقستان وبلىسىندا اپتاپ ىستىق بولادى.
ماڭعىستاۋ، اتىراۋ، باتىس قازاقستان، اقتوبە، تۇركىستان، قىزىلوردا وبلىستارىندا، جامبىل، قوستاناي، الماتى وبلىستارىنىڭ باسىم بولىگىندە، قاراعاندى وبلىسىنىڭ باتىسىندا، وڭتۇستىك-باتىسىندا، شىعىس قازاقستان وبلىسىنىڭ وڭتۇستىگىندە، اقمولا وبلىسىنىڭ باتىسىندا، سولتۇستىك-باتىسىندا، پاۆلودار وبلىسىنىڭ ورتالىعىندا توتەنشە ءورت ءقاۋپى ساقتالادى.