اۋا رايىنا بايلانىستى ەلىمىزدىڭ بىرنەشە وڭىرىندە داۋىلدى ەسكەرتۋ جاريالاندى، دەپ حابارلايدى Almaty-akshamy.kz.
قازگيدرومەت سينوپتيكتەرىنىڭ بولجامى بويىنشا، 1 قازاندا استانادا تۇمان تۇسەدى.
شىمكەنتتە جوعارى ءورت ءقاۋپى ساقتالادى.
اقمولا وبلىسىنىڭ باتىسىندا، سولتۇستىگىندە، شىعىسىندا تۇندە جانە تاڭەرتەڭ تۇمان تۇسەدى.
قاراعاندى وبلىسىنىڭ سولتۇستىگىندە تۇندە جانە تاڭەرتەڭ تۇمان تۇسەدى. وڭتۇستىك-شىعىستان جەل سوعادى، ەكپىنى – 18 م/س. تۇندە وبلىستىڭ سولتۇستىگى مەن شىعىسىندا 3 گرادۋس اياز بولۋى مۇمكىن. وبلىستىڭ وڭتۇستىگىندە جوعارى ءورت ءقاۋپى ساقتالادى. قاراعاندىدا تۇندە جانە تاڭەرتەڭ تۇمان تۇسەدى.
قوستاناي وبلىسىنىڭ سولتۇستىگى مەن شىعىسىندا تۇندە جانە تاڭەرتەڭ تۇمان تۇسەدى.
1 قازاندا تۇندە جانە تاڭەرتەڭ باتىستا، ماڭعىستاۋ وبلىسىنىڭ ورتالىعىندا تۇمان تۇسەدى. وبلىستىڭ سولتۇستىك-باتىسىندا، ورتالىعىندا جانە وڭتۇستىگىندە جوعارى ءورت ءقاۋپى بار.
پاۆلودار وبلىسىنىڭ باتىسىندا تۇندە تۇمان تۇسەدى.
سولتۇستىك قازاقستان وبلىسىنىڭ وڭتۇستىك-باتىسىندا تۇندە جانە تاڭەرتەڭ تۇمان بولادى. تۇندە وبلىستىڭ سولتۇستىك-شىعىسىندا تەمپەراتۋرا 1 گرادۋس بولۋى مۇمكىن.
تۇركىستان وبلىسىنىڭ تاۋلى ايماقتارىندا تۇمان تۇسەدى، كۇندىز وڭتۇستىك-باتىستان سوعاتىن جەل ەكپىنى 15-20 م/س جەتەدى. وبلىستىڭ باسىم بولىگىندە اسا جوعارى ءورت ءقاۋپى ساقتالادى.