1 قازاننان باستاپ قازاقستاندا پويىز بيلەتتەرى 20% قىمباتتايدى، دەپ حابارلايدى aqshamnews.kz.
ۇلتتىق تاسىمالداۋشى كونديسيونەرى جوق ۆاگوندارداعى بيلەتتەرگە 20%-عا دەيىن جەڭىلدىك بەرەدى.
كولىك مينيسترلىگىنىڭ باسپا ءسوز قىزمەتى بۇگىندە ەلىمىزدە 14 تەمىرجول تاسىمالداۋشىسى جانە 140 جولاۋشى باعىتى بار ەكەنىن ايتتى. ءتاريفتىڭ كوتەرىلۋى ونىڭ 62-سىنە اسەر ەتەدى.
"بۇل ءبىزدىڭ پويىزداردا كورسەتىلەتىن قىزمەتتەردىڭ ساپاسىن ارتتىرۋ، سونىمەن قاتار تەمىرجولشىلاردىڭ ەڭبەكاقىسىن كوتەرۋ ءۇشىن جاسالىپ جاتىر. ءقازىر ەلىمىزدە وسى باعىتتاردىڭ بارلىعىندا 2667 كولىك ءجۇرىپ جاتىر. توزۋ كورسەتكىشى دە جوعارى. ۆاگونداردىڭ 44 پايىزىنىڭ توزىعى جەتكەن"، - دەدى ق ر كولىك مينيسترلىگىنىڭ رەسمي وكىلى ءلاززات ستامعازييەۆا.
Talgo باعاسى شامامەن 19 493 تەڭگەنى قۇرايدى، ستاندارتتى پويىزداردا كۋپە قۇنى 19 653 تەڭگە، رەزەرۆتىك ورىن 12 871 تەڭگە بولادى. قالا ماڭىنداعى پويىزدارعا بيلەت قۇنى 6 314 تەڭگەنى قۇرايدى.