WhatsApp مەسسەندجەرى iOS جانە Android باعدارلاماسىنىڭ ەسكى نۇسقاسى قولدانىلىپ جۇرگەن سمارتفونداردا ءوز جۇمىسىن توقتاتادى. كومپانيا ۇيالى تەلەفوندارعا قاتىستى تالاپتاردىڭ جاڭارتىلعان نۇسقاسىن جاريالادى، دەپ حابارلايدى almaty-akshamy.kz ريا نوۆوستيگە سىلتەمە جاساپ.
2021 جىلدىڭ 1 قاراشاسىنان باستاپ WhatsApp قوسىمشاسى Android 4.0.4 نۇسقاسى قولدانىلاتىن سمارتفونداردا جانە iOS 9 نۇسقاسى قولدانىلاتىن iPhone-دا جۇمىسىن توقتاتادى. الەمدە اتالمىش نۇسقالاردى الەمدە ءالى كۇنگە دەيىن قولداناتىن ادامدار بارشىلىق. جۇمىس ىستەۋ ءۇشىن ءالى دە SIM كارتا جانە ينتەرنەت قاجەت.
وسى ورايدا WhatsApp ەسكى سمارتفون يەلەرىنە قۇرىلعىنى جاڭارتۋدى نەمەسە جەكە دەرەكتەردى ساقتاۋ ءۇشىن چات تاريحىن ساقتاپ وتىرۋدى ۇسىنادى. بۇل WhatsApp جۇمىسىن توقتاتقان كەزدە قولدانۋشى ءۇشىن ءتيىمدى بولماق. بۇعان دەيىن WhatsApp iOS جانە Android-تان دەرەكتەردى اۋىستىرۋ مۇمكىندىگىن جاريالاعان ەدى. بۇل فۋنكسيا كەيبىر Samsung مودەلىنىڭ ەكسكليۋزيۆى بولماق. دەرەكتەردى اۋىستىرۋ ءۇشىن سىزگە USB-C — Lightning كوننەكتورلارى بار سىم قاجەت.
وسىعان دەيىن WhatsApp مەسسەندجەرىندە وزدىگىنەن جويىلاتىن فوتو جانە ۆيدەو جىبەرۋ فۋنكسياسى پايدا بولعانىن جازعان ەدىك. ول ءۇشىن سۋرەتتەر مەن ۆيدەونى «ءبىر رەت كورۋ» وپسياسىنىڭ كومەگىمەن جىبەرۋ كەرەك. قولدانۋشى وزىنە كەلگەن حابارلامانى تەك ءبىر-اق رەت كورە الادى، وسىدان كەيىن ول اۆتوماتتى تۇردە وشىرىلەدى. وسىعان ۇقساس فۋنكسيا Instagram جەلىسىندە دە بار: قولدانۋشى وزىنە جولدانعان سۋرەتتى نەمەسە ۆيدەونى قاراۋ ءۇشىن باتىرمانى باسۋى قاجەت. كورىپ بولعاننان كەيىن ول اشىلمايدى. دەسە دە، كومپانيا قولدانۋشىلار وزدىگىنەن جويىلاتىن فوتو-ۆيدەونى سكرينرەكوردەردىڭ كومەگىمەن جازىپ الۋى مۇمكىن ەكەنىن ايتقان ەدى. «ءبىر رەت كورۋ» وپسياسى جاقىن ارادا جاڭاراتىن مەسسەندجەردە قولجەتىمدى بولادى.