پاۆلوداردا ۇبت تاپسىرۋ كەزىندە كومەكتەسەمىن دەپ ۋادە بەرىپ، 1 ملن تەڭگە العان ءمۇعالىم ۇستالدى، - دەپ حابارلايدى aqshamnews.kz ءتىلشىسى Polisia.kz-كە سىلتەمە جاساپ.
پوليسيانىڭ مالىمەتىنشە، زارداپ شەككەن ازامات اقشاسىن الاياققا بەرىپ، كەيىن ۋادە ورىندالماعان سوڭ قۇقىق قورعاۋ ورگاندارىنا جۇگىنگەن.
"پاۆلودار قالاسىنداعى مەكتەپتەردىڭ بىرىندە بۇرىن ءمۇعالىم بولىپ جۇمىس ىستەگەن ايەل ۇلتتىق ءبىرىڭعاي تەست تاپسىرۋعا كومەك كورسەتەمىن دەپ 1 ملن تەڭگە العان. ءقازىر سوتالدى تەرگەۋ باستالدى. كۇدىكتىنىڭ ءوڭىر اۋماعىندا وسىنداي باسقا دا قىلمىستارعا قاتىسى بار-جوعى تەكسەرىلىپ جاتىر"، – دەلىنگەن حابارلامادا.
پوليسيا ازاماتتارعا مۇنداي جاعدايدا بىردەن قۇقىق قورعاۋ ورگاندارىنا حابارلاسۋدى ەسكەرتتى.