قازاقستان حالقىنىڭ بىرلىگى كۇنىن تويلاۋ اياسىندا الماتى قالاسى تۋريزم باسقارماسى قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ الماتى قالاسى شەكارالىق باقىلاۋ باسقارماسىمەن جانە الماتى حالىقارالىق اۋەجايىمەن بىرلەسىپ، «قوناقتارعا كادەسىي» دايىندادى.
حالىقارالىق تەرمينالعا كەلگەن ءاربىر جولاۋشىعا قالانىڭ ۇلتتىق ويۋ-ورنەكتەرى مەن مادەني كورىكتى جەرلەرى بەينەلەنگەن ستيكەرلەر تۇرىندەگى سيمۆولدىق سىيلىق بەرىلدى. شارا 6 مىڭنان استام جولاۋشى تاسىمالدايتىن 30-عا جۋىق حالىقارالىق رەيستەردى قامتيدى.
قالالىق تۋريزم باسقارماسى اتاپ وتكەندەي، الماتى ءارتۇرلى جانە كوپ مادەنيەتتى اتموسفەراسىنىڭ ارقاسىندا الەمنىڭ تۇكپىر-تۇكپىرىنەن كەلگەن ساياحاتشىلار ءۇشىن تارتىمدى ورىن بولىپ تابىلادى. اكسيا تۋريستەردى تارتۋعا جانە ەلدەگى العاشقى جاعىمدى اسەردى («travel experience») قالىپتاستىرۋعا، حالىقارالىق قوناقتاردىڭ قالا تاريحى مەن مادەنيەتىن قۇرمەتتەۋىنە جانە تەرەڭ تۇسىنۋىنە باعىتتالعان.
الماتى قالاسىنىڭ ەتنيكالىق قۇرامىنىڭ الۋان تۇرلىلىگىن ەسكەرە وتىرىپ، قازاقتار (62،4%)، ورىستار (20،5%)، ۇيعىرلار (5،4%)، كورەيلەر (1،8%)، تاتارلار (1،5%)، ۋكرايندار (1%)، ءازىربايجاندار (0،9%) جانە ت. ب. ۇلتتار ءۇشىن بۇل ءىس-شارانى وتكىزۋ مادەنيەتارالىق ءوزارا ءىس-قيمىلدى نىعايتۋعا ىقپال ەتەدى.