ەرەجەنى بۇزعان جاعدايدا 5 اەك (15 315) كولەمىندە ايىپپۇل سالىنادى.
قازاقستان رەسپۋبليكاسى ىشكى ىستەر مينيسترلىگى قىستىڭ باستالۋى مەن سۋىق اۋا رايىنا بايلانىستى جولدارداعى كولىك قوزعالىسى ەرەكشە نازار اۋدارۋدى قاجەت ەتەتىنىن اتاپ ءوتتى، دەپ حابارلايدى Almaty-akshamy.kz Inbusiness.kz سىلتەمە جاساپ.
"جەڭىل كولىكتەر مەن از توننالى جۇك كولىكتەرىنىڭ جەلتوقسان، قاڭتار، اقپان ايلارىندا تەك قىسقى نە بارلىق ماۋسىمعا ارنالعان دوڭگەلەكتەردىڭ كەيبىرىمەن عانا جولعا شىعۋىنا رۇقسات بەرەتىن تالاپ كەدەن وداعىنىڭ "دوڭگەلەكتى كولىك قۇرالدارىنىڭ قاۋىپسىزدىگى تۋرالى" تەحنيكالىق رەگلامەنتىندە جازىلعان"، - دەلىنگەن حابارلامادا.
ەرەجەنى بۇزعان جاعدايدا 5 اەك (15 315) كولەمىندە ايىپپۇل سالىنادى ەكەن. ال ءبىر جىل ىشىندە وسى ەرەجە قايتا بۇزىلسا، وندا ايىپپۇل كولەمى ارتادى. سونىمەن قاتار، جازعى شينالاردىڭ قىستا قاتىپ قالىپ، تۇتقىرلىق قاسيەتىنەن ايىرىلۋى، ەڭ كەمى الدىڭعى كولىكتى ءسال ءىلىپ كەتۋگە ءماجبۇر ەتسە، كەي جاعدايدا وقيعانىڭ قايعىلى اياقتالۋىنا اكەپ سوعۋى دا عاجاپ ەمەس.
قىستا جۇرۋگە رۇقسات بەرىلەتىن بۇدىرلى شينالار ىشىندە قار ۇشقىنى بار ءۇش شىڭعا يە تاۋ ىسپەتتەس بەلگىمەن جانە م+S، M&S نە M S بەلگىلەرىمەن تاڭبالانادى.
بۇل رەتتە شينا بۇدىرىنىڭ تەرەڭدىگى كەمى 4 مم بولۋى ءتيىس.