10 قالادا قولايسىز مەتەوجاعداي قالىپتاسادى
«قازگيدرومەت» رمك 1 جەلتوقساندا ەلىمىز قالالارىندا قالىپتاساتىن مەتەورولوگيالىق احۋال تۋرالى مالىمەت ۇسىندى، دەپ حابارلايدى Almaty-akshamy.kz
سينوپتيكتەر مالىمەتىنشە، سارسەنبى كۇنى 2-دارەجەلى قولايسىز مەتەورولوگيالىق جاعدايلار (ءبىر نەمەسە بىرنەشە لاستاۋشى زات كونسەنتراسياسىنىڭ رۇقسات ەتىلگەن شەكتى نورمادان 3-تەن جوعارى اسۋى) نۇر-سۇلتان، الماتى، شىمكەنت، بالقاش، قاراعاندى، تەمىرتاۋ، جەزقازعان، وسكەمەن، سەمەي جانە ريددەر قالالارىندا كۇتىلەدى.
وزگە شاھارلاردا مەتەوجاعداي نورما شەگىندە بولادى.
قولايسىز مەتەورولوگيالىق جاعدايلار - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى. قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.