«قوجا احمەت ياسساۋي اتىنداعى №123 مەكتەپ-گيمنازياسىندا «زاماناۋي وقىتۋدىڭ فورمالارى مەن ادىستەرى. باستاۋىش سىنىپتا جاساندى ينتەللەكتتى قولدانۋ: مۇمكىندىكتەرى مەن ادىستەرى» اتتى قالالىق سەمينار ءوتتى. اتالمىش سەميناردا ءبىلىم بەرۋ ۇردىسىندە وقۋشىلاردىڭ بەلسەندىلىگىن ارتتىرۋ، ولاردى جوعارى ناتيجەلەرگە جەتەلەۋ جانە جاساندى ينتەللەكت باعدارلامالارىن قولدانۋ ارقىلى وقىتۋدىڭ ساپاسىن كوتەرۋ ماسەلەسى كەڭىنەن ءسوز بولدى. سونىمەن قاتار، 4-سىنىپ وقۋشىلارى ماتەماتيكا پانىنەن «ينتەللەكتۋالدىق داعدىنى قالىپتاستىرۋ ارقىلى وقۋشىلاردىڭ لوگيكالىق ويلاۋىن دامىتۋ» تاقىرىبى بارىسىندا لوگيكالىق ەسەپ شىعارىپ، پانورامالىق ساباقتار وتكىزدى.
سەميناردا وقىتۋشىلار تاجىريبە الماسىپ، وقىتۋدا جاڭا ادىس-تاسىلدەردى ءتيىمدى پايدالانۋ جولدارىن تالقىلادى. سەمينار جۇمىسى تەوريالىق جانە پراكتيكالىق ەكى ءبولىمدى قامتىدى. پراكتيكالىق بولىمىندە مۇعالىمدەر ينتەراكتيۆتى فورماتتا وقىتۋ تاسىلدەرىمەن ءبولىستى. مەكتەپ باسشىسى باعيلا اشىمبايەۆا سينگاپۋرداعى حالىقارالىق تاجىريبە الماسۋ ساپارىنداعى وزىق تاجىريبيەلەرىمەن بولىسە وتىرىپ، قازىرگى تاڭدا مەكتەپتە سول تاجىريبيەلەرمەن ءبولىسۋ ماقساتىندا شىعارماشىلىق توپ قۇرىلعانىن، توپتا ۇزدىك دەگەن ۇستازداردىڭ جۇمىس اتقارىپ جاتقاندىعىن تىلگە تيەك ەتتى.
اتالمىش سەميناردا وقۋ ءىسى جونىندەگى ورىنباسارى ا. المابايەۆا «باستاۋىش ءبىلىم بەرۋدەگى ىزدەنىستەر مەن شەشىمدەر» تاقىرىبىندا پىكىرتالاس ۇيىمداستىرىپ، قاتىسۋشىلارمەن بىرگە وي ءبولىستى. ساباق بارىسىندا جاساندى ينتەللەكت تەحنولوگيالارىن كۇندەلىكتى ساباعىندا قولدانىپ جۇرگەن باستاۋىش مۇعالىمدەرى وزدەرىنىڭ بىلىمدەرىن ورتاعا سالدى، ماسەلەن باستاۋىش سىنىپ ءمۇعالىمى ل. كەنجەبەكوۆا، س. ينتانوۆا ««نە ۇيرەندىم؟ نە ءبىلدىم؟»، «كyndelik.kz» پلاتفورماسىنىڭ مۇمكىندىكتەرىم مەن تيىمدىلىگى» اتتى پانورامالىق ساباقتار وتكىزدى. سونىمەن قاتار، «الىپپەنى» وقىتۋدا وقۋشىلاردىڭ وقۋعا دەگەن قىزىعۋشىلىعىن ارتتىرۋ ءۇشىن جاڭا تاسىلدەر ۇسىنىلدى. ساباق بارىسىندا جاساندى ينتەللەكت تەحنولوگيالارىن قولدانۋ ارقىلى وقۋشىلاردىڭ لوگيكالىق ويلاۋ قابىلەتتەرىن دامىتۋدىڭ ءتيىمدى ادىستەرى كورسەتىلدى. ماسەلەن، گ.بەيسەنوۆا، ش. تەمىربەك ن. دۇيسەمبايەۆا، ل.كەنجەبەكوۆا وقۋشىلارعا پراكتيكالىق ساباق جۇرگىزسە، قورىتىندى بولىمىندە پەداگوگتار تاجىريبەلىك ساباقتار مەن جاڭا تەحنولوگيالاردى ەنگىزۋدىڭ ارتىقشىلىقتارى تۋرالى پىكىر الماستى.
قازىرگى ءبىلىم بەرۋ جۇيەسىندە جاساندى ينتەللەكت پەن زاماناۋي تەحنولوگيالاردى پايدالانۋ – ۋاقىت تالابى. وسى سەمينار اياسىندا باستاۋىش سىنىپ مۇعالىمدەرى وقۋشىلاردىڭ ءبىلىم دەڭگەيىن ارتتىرىپ، جاڭا ادىس-تاسىلدەر ارقىلى ولاردىڭ قابىلەتتەرىن دامىتۋ جولىندا مول تاجىريبە جيناقتادى.