Almaty qalasynyń Qylmystyq atqarý júıesi departamentine qarasty LA-155/6 mekemesinde kámeletke tolmaǵan jasóspirim sottalǵandar arasynda 30 tamyz – Konstıtýsıa kúnine oraı «Ata zań – elimniń qorǵany» atty mádenı is-shara ótti.
Onlaın formattaǵy júzdesýge Jambyl atyndaǵy jasóspirimder kitaphanasynyń kópshilik is-sharalardy uıymdastyrý bóliminiń basshysy Sharaına Qumarova jáne oqyrmandar zaly bóliminiń qyzmetkerleri Aqerke Abzelbek pen Symbat Lesbek Symbat muryndyq boldy.
Bul mádenı sharanyń maqsaty – jazaly jasóspirimderdi elimizdiń Ata zańy týraly jan-jaqty habardar etip, málimetter berý, sondaı-aq, olardyń zań aldyndaǵy jaýapkershiligin arttyrýǵa, túzeý mekemesinde júrse de, jaqsy kúnderden kúder úzbeýine septesý.
Kitaphanashy S.Lesbek Konstıtýsıamyzdyń maqsat-múddesin ashatyn baıandamasyn oqyp, tarıhtan bastap qazirgi kúnge deıingi qoldanystaǵy zańǵa tolyq túsinikteme berdi.
Jazaly jasóspirimder Konstıtýsıa kúnine arnalǵan óleń shýmaqtaryn eki tilde jatqa oqydy. Al A.Abzelbek el men jer týraly qyzyqty málimetter týraly tanymdyq suraqtar qoıyp, qyzyqty oıyn ótkizdi. Mereke Jambyl atyndaǵy jasóspirimder kitaphanasynyń qyzmetkerleri daıyndaǵan jańa kitap kórmesimen túıindeldi.
Sottalǵan balalar arasyndaǵy áleýmettik-psıhologıalyq tárbıe jumysy bólimi bastyǵynyń mindetin atqarýshy ádilet aǵa leıtenanty Bekzat Jaqanov kitaphana qyzmetkerlerine mekemeniń atynan alǵys bildirdi.