Sottyń sheshimi shyqty.
Sporttyq arbıtrajdyq sot (CAS) reseılik mánerlep syrǵanaýshy Kamıla Valıevaǵa qatysty tolyq sheshimdi jarıalady, dep habarlady Almaty-akshamy.kz Interfax.ru silteme jasap.
Sot sheshimi boıynsha, tyıym salynǵan dári sportshynyń atasymen birge túski as kezinde onyń denesine enýi múmkin ekendigi aıtylǵan.
«Sportshynyń aǵzasyna tyıym salynǵan zattyń túsýi onyń atasymen turmystyq qarym-qatynas kezinde oryn alýy múmkin. Onyń atasy júrek almastyrý operasıasynan keıin «Trımetazıdın» qabyldaıdy jáne ádette dári-dármekti ózimen birge alyp júredi. Kamılanyń anasy sportshynyń atasy únemi qabyldaıtynyn aıtty», - delingen sot sheshiminde.
Esterińizge sala ketsek, Beıjiń Olımpıadasyna qatysqan reseılik mánerlep syrǵanaýshy Kamıla Valıeva dopıng-synamasynyń oń nátıje kórsetkeni úshin synǵa ushyraǵan bolatyn.Nátıjesinde Kamıla Valıeva olımpıadalyq medal ala almaı qaldy. Ol tórtinshi orynǵa ıe boldy. Sportshynyń jaǵdaıyn túsingen qazaqstandyq ánshi Dımash Qudaıbergen 15 jastaǵy mánerlep syrǵanaýshyǵa saǵy synbaýyn tilep, qoldaý bildirgen bolatyn.