Telejúrgizýshi Dınara Satjan Instagram-daǵy tikeleı efır arqyly Reseıdegi Máskeý memorıaldyq meshitiniń ımamy Shamıl Aláýtdınovpen ıslam ilimindegi vaksınalaý taqyrybyn talqylady, dep habarlaıdy almaty-akshamy.kz QazAqparatqa silteme jasap.
«Aramyzda antıvakserler júr, ishinde dáriger de bar. Únemi adamdar arasynda kúmán seýip júredi. Islamda jalǵan aqparat taratý kúná ma?» - dep surady Dınara Sátjan.
«Jala jabý – ıslamda eń zıandy qasıetterdiń biri. Hadıste ótirikshi adamnyń dinı senim ıesi bola aılaıtyny aıtylǵan. 6-aıattyń 49-súresi boıynsha, sizge repýtasıasy túsiniksiz, kúnáhar adam kelse jáne qandaı da bir jaǵdaıǵa, adamdarǵa degen kózqarasyńyzdy jaǵymsyz jaqqa ózgerte alatyn málimet berse, bul jaǵdaıdy ashyp, mánin túsinýińiz kerek. Iaǵnı, mán-jaıdy aıqyndaý kerek. Eger asyǵys qorytyndy jasasańyz, bireýge zıan keltirip, sońynda ókinip qalýyńyz múmkin», - dep túsindirdi ımam.
Imamnyń aıtýyna qaraǵanda, ıslamda kez kelgen jaǵdaıda qandaı da bir túrde ótirik aıtýǵa jol berilmeýi kerek jáne ol kúná bolyp sanalady.
«Quranda adam bilim alyp, biraq ony qoldanbasa, ıaǵnı, mıyn iske qospasa, paıdaly bilimdi zerttemese, ol esekke uqsaıdy dep aıtylady. Qazirgi tańda túrli pikirler bar. Sonyń bárin oqyńyz, qorytyndy jasańyz. Biraq bireýdi qorlaýdyń jáne kemsitýdiń qajeti joq. Bul tómen deńgeıge túsý», - dedi Shamıl Aláýtdınov.