Jetisý oblysynda jolǵa qoıylǵan kamera úsh aıda 345 mln teńgeniń aıyppulyn tirkedi
Jetisý oblysynda «Vidar» kamerasy úsh aıda 345 mln teńgeniń aıyppulyn tirkedi, dep habarlaıdy Almaty-akshamy.kz.
Taldyqorǵan qalasy mańyndaǵy jáne oblys ortalyǵyndaǵy 8 bekettegi 18 beınekamera jol erejesin buzǵan kólikterdi jappaı tirkep jatyr.
«Bıylǵy jyldyń İ toqsanynda júrgizilgen taldaýǵa sáıkes, «VIDAR» kameralary 14814 zań buzýshylyqty tirkedi. Osy buzýshylyqtarǵa jol bergen avtokólik quraldarynyń júrgizýshilerine jalpy somasy 345 278010 teńgege aıyppul salynyp, 260 mln-nan astamy óndirildi»,- delingen Jetisý oblystyq polısıa departamenti baspasóz qyzmetiniń habarlamasynda.
Jetisý oblysynyń polısıasy júrgizýshilerge aqparatty nazarǵa alýǵa jáne QR Jol erejelerin qatań saqtaýǵa shaqyrady. Qosymsha beketter jaıaý júrginshiler ótkelderinde jáne joldardyń qaýipti ýchaskelerinde jumys istep tur.