Astanada saıabaqtardyń birinde İİ Elızaveta atyndaǵy skverdiń ashylýy kózdelgen
Syrtqy ister mınıstriniń resmı ókili Aıbek Smadıarov 17-18 naýryzda Ulybrıtanıa jáne Soltústik Irlandıa qurama koróldiginiń Syrtqy ister dostastyq jáne damý mınıstri Djeıms Kleverlıdiń Qazaqstanǵa sapary josparlanǵanyn aıtty, dep habarlaıdy Almaty-akshamy.kz.
Astanada Djeıms Kleverlı prezıdent Qasym-Jomart Toqaevpen jáne premer-mınıstr Álıhan Smaıylovpen kezdesedi.
Sonymen qatar sapar aıasynda Astanada İİ Elızaveta atyndaǵy skverdiń ashylýy josparlanǵan.
"17-18 naýryzda Ulybrıtanıa jáne Soltústik Irlandıa qurama koróldiginiń Syrtqy ister dostastyq jáne damý mınıstri Djeıms Kleverlıdiń Qazaqstanǵa sapary ótedi. Astanada Djeıms Kleverlı prezıdent Qasym-Jomart Toqaevtyń jáne premer-mınıstr Álıhan Smaıylovtyń qabyldaýynad bolady. Sonymen qatar Qazaqstan syrtqy saıası vedomstvonysynń basshylyǵymen kelissózderi uıymdastyrylady. Sapar aıasynda Astanada saıabaqtardyń birinde İİ Elızaveta atyndaǵy skverdiń ashylýy kózdelgen", - dedi Syrtqy ister mınıstrliginiń resmı ókili Aıbek Smadıarov.
Sonymen birge sapar barysynda ekijaqty yntymaqtastyq máseleleri talqylanady.
"Biz Ulybrıtanıamen saıası jáne saýda-ekonomıkalyq jáne ınvestısıalyq, sonyń ishinde mádenı-gýmanıtarlyq salada óte tyǵyz baılanystamyz. Bizdiń elden qanshama azamat sol jaqta oqyp jatyr. Barlyq suraqtardy talqylaımyz", - dedi Aıbek Smadıarov.