Mamyr aıynda teńge 6,8%-ǵa nyǵaıdy.
Ulttyq bank tóraǵasy Ǵalymjan Pirmatov Úkimet otyrysynda teńge baǵamynyń nyǵaıýyn túsindirdi, dep habarlaıdy Almaty-akshamy.kz.
«Mamyr aıynda jahandyq qarjy naryqtaryndaǵy turlaýsyzdyq pen qubylmalylyqtyń jalǵasýyna qaramastan, teńge baǵamy bir dollar úshin 415,16 teńgege deıin nemese 6,8%-ǵa nyǵaıdy. Ulttyq valútanyń nyǵaıýy munaı men gazdyń joǵary naryqtyq baǵalarymen, eksporttaýshylardyń salyq tólemderimen baılanysty»,- dedi Ǵalymjan Pirmatov.
Onyń aıtýynsha, valúta naryǵyndaǵy usynys kvazımemlekettik sektor sýbektileriniń valútalyq túsimdi satýy esebinen qosymsha qoldaý tapty, onyń kólemi mamyr aıynda shamamen 598 mln dollardy qurady.
«Qysqa merzimdi perspektıvada teńgeniń qubylmalylyǵy geosaıası jaǵdaıdyń ózgerýine jáne álemdik naryqtardaǵy ahýalǵa baılanysty bolady. Ulttyq Bank teńgerimsizdikterdiń jınaqtalýyn boldyrmaıtyn jáne altyn-valúta rezervteriniń saqtalýyn qamtamasyz etetin ıkemdi baǵam belgileý rejımin ustanýdy jalǵastyrady», - dedi Ulttyq bank tóraǵasy.