Qazaqstan Ulttyq banki «Qazaqstan qor bırjasy» AQ-men birlesip, 9 naýryzda «teńge – AQSH dollary» valúta juby boıynsha saýda-sattyq reglamentin ózgertý týraly sheshim qabyldady, dep habarlaıdy Almaty-akshamy.kz Ulttyq bankke silteme jasap.
Oǵan sáıkes, «teńge – AQSH dollary» valúta juby boıynsha saýda-sattyq 9 naýryz kúni Nur-Sultan qalasynyń ýaqyty boıynsha saǵat 15:00-de ashylady jáne Frankfýrt aýksıony formatynda júrgiziledi.
«Bul sheshim joǵary qubylmalylyq aıasynda valúta naryǵynyń turaqsyzdanýyna jáne syrtqy faktorlar tarapynan qysym jasaýǵa jol bermeý maqsatynda qabyldandy. «Teńge – AQSH dollary» valúta juby boıynsha saýda-sattyqtyń budan bylaıǵy rejımi týraly aqparat resmı baılanys jasaý arnalary arqyly ýaqtyly jetkiziletin bolady», - delingen UB aqparatynda.