Úkimet balaly otbasylarǵa 4 túrli járdemaqy beredi

№1. Bala týǵanda beriletin járdemaqy.

Bul – bala týýǵa baılanysty taǵaıyndalatyn jáne tólenetin birjolǵy memlekettik járdemaqy. Týý járdemaqysy jumysshylarǵa da, jumys istemeıtin áıelderge de tólenedi. Bala týǵanda beriletin járdemaqyny taǵaıyndaý úshin HQKO nemese eGov arqyly ótinish beredi. Ótinish berýshiniń kelesi qujattary aqparattyq júıelerden alynady:

• jeke basyn kýálandyratyn qujat;


• balanyń týý týraly kýáligi nemese AHAJ organdary bergen týý týraly aktilik jazbadan úzindi kóshirme nemese azamattyq hal aktilerin tirkeý týraly anyqtama málimetteri;


• neke qıý jáne buzý týraly kýálik;


• balaǵa qamqorshylyq belgilengenin rastaıtyn qujat nemese týý týraly aktilik jazbadan bala asyrap alý týraly málimetter;


• turǵylyqty jeri boıynsha tirkelýi týraly málimetter.

Járdemaqy mólsheri:

• birinshi, ekinshi jáne úshinshi balanyń týýyna – 38 AEK nemese 131 100 teńge;


• 
  

  tórtinshi jáne odan da kóp balaǵa – 63 AEK nemese 217 350 teńge.

  
  

№2. Bala kútimi boıynsha beriletin járdemaqy.

Bala kútimi boıynsha járdemaqy bala týǵan kúnnen bastap ol 1,5 jasqa tolǵan kúndi qosa alǵanda taǵaıyndalady. Járdemaqyny taǵaıyndaǵan kezde otbasy quramynda tiri týǵan, asyrap alynǵan, sondaı-aq qamqorshylyqqa alynǵan balalar eskeriledi.

Qoldanystaǵy zańnamaǵa sáıkes, jumys istemeıtin ata-anaǵa arnalǵan járdemaqylar mólsheri:

• birinshi balaǵa – 5,76 AEK nemese 19 872 teńge;


• ekinshi balaǵa – 6,81 AEK nemese 23 495 teńge;


• úshinshi balaǵa – 7,85 AEK nemese 27 083 teńge;


• tórtinshi jáne odan da kóp balaǵa – 8,90 AEK nemese 30 705 teńge.

Qandastarǵa bala týǵan kúnnen bastap, biraq qandas mártebesi belgilengen kúnnen keıin taǵaıyndalady.

Balanyń týýyn tirkegen kezde bala týǵanda beriletin jáne bala kútimi boıynsha járdemaqyǵa bir ǵana ótinish berýge bolady.

№3. Kópbalaly otbasyǵa beriletin járdemaqy.

Kámeletke tolmaǵan tórt jáne odan kóp balalary, onyń ishinde 18 jasqa tolǵannan keıin bilim berý uıymdaryn bitiretin ýaqytqa deıin (biraq 23 jasqa tolǵanǵa deıin) orta, tehnıkalyq jáne kásiptik, orta bilimnen keıingi, joǵary jáne JOO-dan keıingi bilim berý uıymdarynda kúndizgi oqý nysany boıynsha bilim alatyn balalary bar kópbalaly otbasylarǵa taǵaıyndalatyn jáne tólenetin aı saıynǵy memlekettik járdemaqy. Onyń mólsheri bala sanyna qaraı esepteledi:

• tórt balaǵa – 16,03 AEK nemese 55 303 teńge;


• bes balaǵa – 20,04 AEK nemese 69 138 teńge;


• alty balaǵa – 24,05 AEK nemese 82 972 teńge;


• jeti balaǵa – 28,06 AEK nemese 96 807 teńge;


• segiz jáne odan kóp balanyń árbirine 28,06 AEK-ge 4 AEK (13 800 teńge) qosylyp otyrady.

Onlaın-qyzmet arqyly járdemaqyny taǵaıyndaýǵa ótinim berýge bolady. 

Kópbalaly otbasyna járdemaqy taǵaıyndaý kezinde otbasy quramynda tiri týǵan, asyrap alynǵan, sondaı-aq qorǵanshylyqqa alynǵan balalar, eger olar basqa ata-anasynyń otbasynda eskerilmegen bolsa, jıyntyq balalar eskeriledi.

Bul rette otbasy quramynda ózderine qatysty ata-analary ata-ana quqyǵynan aıyrylǵan nemese ata-ana quqyǵynan shektelgen balalar esepke alynbaıdy. Bala sany ózgerse, járdemaqy mólsheri qaıta esepteledi.

18 jastan 23 jasqa deıingi balalardyń oqý ornynan anyqtama suralady.

«Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, İ jáne İİ dárejeli «Ana dańqy» ordenderimen marapattalǵan kópbalaly analarǵa aı saıyn 6,4 AEK nemese 22 080 teńge memlekettik járdemaqy tólenedi.

HQKO arqyly ótinish berý:

• ótinish;


• jeke basyn kýálandyratyn qujat;


• 
  

  «Altyn alqa», «Kúmis alqa» alqalarymen marapattalǵan nemese buryn

  
  

  «Batyr ana» ataǵyn alǵan, I jáne II dárejeli «Ana dańqy» ordenderimen marapattalǵan kópbalaly ana ataǵyn alǵandyǵyn nemese marapattalǵanyn rastaıtyn qujat;

  
  


• Baıqońyr qalasynyń turǵyndary úshin – Baıqońyr qalasynyń turǵyn úı sharýashylyǵy azamattardy esepke alý jáne tirkeý bóliminiń anyqtamasy.

Ótinish berýshiniń qujattary men bank shotynyń nómiri týraly málimetteri memlekettik aqparattyq júıelerden alynady.

eGov portaly arqyly ótinish berý:

• ESQ-men kýálandyrylǵan ótinish;


• marapattalǵanyn rastaıtyn qujattyń elektrondy kóshirmesi.

№5. Járdemaqy alýǵa ótinish berý joldary.

• HQKO;


• eGov portaly;


• uıaly baılanystyń abonenttik qurylǵysy (proaktıvti qyzmet).

Proaktıvti qyzmet arqyly járdemaqy taǵaıyndaý úshin uıaly telefon arqyly bank shotynyń nómirin rastaý nemese usyný týraly habarlama jiberiledi.

Memlekettik qyzmet qujattar tirkelgen sátten bastap 7 jumys kúninde kórsetiledi.

Járdemaqy taǵaıyndaý týraly habarlama eGov-ta ótinish berýshiniń jeke kabınetin, SMS-habarlama arqyly uıaly telefonyna jiberiledi.

№6. «Qazposhta» arqyly járdemaqyny úıge jetkizý.

«Qazposhta» bólimsheleri arqyly járdemaqylar kelesi adamdardyń úıine jetkiziledi:

• Uly Otan soǵysyna qatysýshylarǵa jáne osy kezeńde jaralanýy, kontýzıa alýy, mertigýi saldarynan nemese aýrýǵa shaldyǵýy saldarynan múgedektigi bar azamattarǵa;


• 80 jasqa tolǵan járdemaqy alýshylarǵa;


• İ toptaǵy múgedektigi bar azamattarǵa;


• bógde adamnyń kútimine muqtaj ekeni jáne densaýlyq jaǵdaıy boıynsha bank operasıalarynyń jekelegen túrlerin júzege asyratyn uıymdarǵa bara almaıtyny týraly medısınalyq qorytyndysy bar adamdarǵa;


• poshta baılanysynyń avtomattandyrylǵan bólimsheleri bolmaǵan jaǵdaıda aýyldyq jerde turatyn adamdarǵa.

Járdemaqy alýshynyń bank shotynyń nómiri, turǵylyqty jeri ózgerse HQKO-ǵa tıisti ózgeristerdi rastaıtyn qujattarmen osy ózgerister týraly ótinish beredi.

№7. Járdemaqyny toqtatý sebepteri.

Járdemaqy kelesideı málimetter túsken aıdan keıingi aıdyń birinshi kúninen bastap toqtatylady:

• bala qaıtys bolsa jáne balany memlekettiń tolyq qamsyzdandyrýyna berse;


• taǵaıyndaý úshin negizdemeler joıylsa nemese kópbalaly anaǵa beriletin járdemaqy alýshy qaıtys bolsa;


• memlekettik nagradalardan aıyrylsa;


• QR azamattyǵyn toqtatý faktisi anyqtalsa;


• ótinish berýshi járdemaqyny zańsyz taǵaıyndaýǵa alyp kelgen anyq emes málimetterdi usynsa;


• bala kútimi boıynsha járdemaqy alýshy úshin memlekettik áleýmettik saqtandyrý qoryna áleýmettik tólemder tússe;


• kámelet jasqa tolǵan bala oqýdan shyǵarylsa;


• ata-ana quqyqtarynan aıyrylsa nemese shektelse;


• bala asyrap alý jaramsyz dep tanylsa nemese onyń kúshi joıylsa;


• qorǵanshylardy óz mindetterin atqarýdan bosatylsa nemese shettetilse.

Járdemaqylardy qaıta alý úshin ótinish berýshi járdemaqyǵa quqyqty rastaıtyn qujattardy qosa otyryp ótinish beredi.

Aqparat informburo.kz-ten alyndy.