Bul elimizdegi barlyq úkimettik emes uıymdardy biriktirip, nyǵaıtady.
Qazaqstanda tutynýshylardyń quqyǵyn qorǵaıtyn biryńǵaı uıym qurylady, dep habarlaıdy Almaty-akshamy.kz
Bul týraly málimdegen QR Saýda jáne ıntegrasıa mınıstrligi Tutynýshylar quqyǵyn qorǵaý komıtetiniń tóraǵasy Asqar Tynysbekovtyń aıtýynsha, tutynýshylardyń quqyqtaryn qorǵaý salasyndaǵy quqyqtyq normalardy jetildirý maqsatynda komıtet zańnamaǵa ózgeristerdiń 2-shi toptamasynyń tujyrymdama jobasyn ázirlegen.
Qujat osy jyldyń maýsym aıynda Tutynýshylardyń quqyqtaryn qorǵaý jónindegi vedomstvoaralyq keńestiń birinshi otyrysynda talqylanyp, Ashyq NQA portalynda jarıa talqylaý úshin ornalastyrylǵan.
«Zańnyń (Tutynýshylar quqyǵyn qorǵaý týraly Zań) 2-shi toptamasy qajetti túzetýlerdi qarastyrady. Atap aıtqanda, Tutynýshylardyń quqyqtaryn qorǵaý jónindegi biryńǵaı jalpyulttyq komersıalyq emes uıymnyń jumys isteýi úshin zańnamalyq negiz qalaý usynylady. Bul elimizdegi barlyq úkimettik emes uıymdardy biriktirip, nyǵaıtady. Ekinshiden, tutynýshylardyń quqyǵyn qorǵaý jónindegi ombýdsmen ınstıtýtyn engizý josparlanýda. Ol halyq pen qoǵamdyq birlestikterdiń daýysy bolady», - dedi Asqar Tynysbekov.