Jannat SHARAPHANQYZY, Almaty qalasy, Jetisý aýdandyq aýmaqtyq saılaý komısıasynyń tóraıymy:
Bıylǵy saılaý barysynda Jetisý aýdany aýmaǵynda 105 myńnan astam daýys berýshige arnalǵan 47 saılaý ýchaskesi bar. Dál qazir osy saılaý ýchaskelerinde 275 baıqaýshy otyr. Olardyń arasynda tek óz elimizden ǵana emes, halyqaralyq baıqaýshylar men OBSE ókilderi de bar. Olar saılaýdyń ádil ótip, keleńsiz oqıǵalardyń oryn almaýyn basa qadaǵalap otyr. Ázirge qandaı da bir quqyq buzýshylyq oryn alǵan joq.
Daýys berýshilerdiń kóńil-kúıleri kóterińki. Tańnyń atysymen kelýshilerdiń sany kóbeıip, turǵyndardyń belsendiligi artqany baıqalady. Saılaý ýchaskelerine kelip, óz tańdaýlaryn jasap jatqan daýys berýshilerdiń qatarynda aýdannyń qart turǵyndarymen qatar, alǵash ret daýys berip jatqan jastarymyz da bar. Alǵash daýys bergen jastarǵa estelik syılyqtar tabys etildi. Erte kelgenderi de qur qol qaıtyp jatqan joq. Munyń ózi turǵyndarǵa merekelik atmosfera syılap jatyr.