Bul suraqqa Indýstrıa jáne ınfraqurylymdyq damý mınıstri Marat Qarabaev jaýap berdi.
Mınıstrdiń aıtýynsha, avtonesıe alǵan adamdardyń tizimin ózderi ruqsat bergende ǵana jarıalaýǵa bolady, dep habarlaıdy Almaty-akshamy.kz
Byltyr 4 paıyzdyq avtonesıe baǵdarlamasyna 100 mıllıard teńge bólingen bolatyn. Osy aqshanyń esebinen 12 myńǵa jýyq adam kólikti nesıege rásimdedi. Olar aı saıyn bankterge tólem jasap otyrady. Osylaısha taǵy 7,6 mıllıard teńge jınaldy. Ony kúni keshe autonesie.kz portaly arqyly taǵy 761 adamǵa úlestirdi.
Mınıstrdiń aıtýynsha, barlyq adamnyń tizimin jarıalaýǵa bolady. Biraq ol azamattardyń kelisimi kerek.
"Baǵdarlamaǵa qatysatyndardyń tizimin ózimiz jarıalaı almaımyz. Sebebi bunyń barlyǵy – jeke málimet. Al ol adamdardyń kelisimi bolsa, tizimdi jarıalaýǵa bolady", - dedi Qarabaev.
Onyń sózine qaraǵanda, bastapqyda avtonesıe júıesiniń ashyqtyǵyna qatysty senimsizdik bolǵan. Sondyqtan adam faktoryn boldyrmaý úshin sıfrlyq platforma iske qosyldy. Endi revolverlik tártippen jınalatyn avtokredıttiń aqshasy portal arqyly ǵana úlestiriledi.
Aıta keteri, kelesi aıda autonesie.kz saıtynda taǵy ótinim qabyldanady. Biraq ol kezde 100-den astam adam ǵana alady. Sebebi bir aıdyń ishinde 1 mıllıard teńgeden astam qarjy jınalady.