1. TÚRKİSTAN OBLYSY
Túrkistan oblysy boıynsha «Qazsýshar» fılıaly ótken jyly 332 myń gektar egis alqabyn sýmen qamtamasyz etti. Oblysta fılıalǵa qarasty 18 sý qoıma, 11 sý bógeti, jalpy uzyndyǵy 5733 shaqyrym bolatyn 1891 kanal bar. 2024 jylǵy sýarý kezeńinde Túrkistan oblysynyń sý kózderinen sharýalarǵa 1,9 mlrd tekshe metr sý berildi.
2. QYZYLORDA OBLYSY
Qyzylorda oblysynda 286 myń gektar sýarmaly jer bolsa, onyń 178,6 myń gektary ınjenerlik júıege keltirilgen aýyspaly egistikter. Atap aıtqanda, 159,3 myń ga kúrish aýyspaly egistigi, 19,3 myń ga mal azyqtyq jáne kókónis aýyspaly egistigi. 2024 jyly oblys boıynsha barlyǵy 189,4 myń gektarǵa egis egildi. Onyń ishinde 85,6 myń ga kúrish alqaby. Qyzylorda oblysy boıynsha «Qazsýshar» fılıaly óńir dıhandaryn 3,7 mlrd tekshe metr sýmen qamtamasyz etti.
3. ALMATY OBLYSY
D.Qonaev atyndaǵy Úlken Almaty kanaly fılıaly ótken jyly 51 myń gektardan astam egis alqabyn sýarmaly sýmen qamtamasyz etti. Fılıal sharýalarmen 2768 kelisim shart jasap, 545 mln tekshe metr sý berdi. Almaty oblysyndaǵy 2 iri sý qoımasy: Bartoǵaı jáne Kúrti sý qoımalarynyń arqasynda aımaqta vegetasıalyq kezeńi sátti ótti. Byltyr Bartoǵaı sý qoımasyna 1,4 mlrd, al Kúrti sý qoımasyna 195 mln tekshe metrge jýyq sý keldi.
4. JETİSÝ OBLYSY
Jetisý oblysy boıynsha «Qazsýshar» fılıaly 180 myń gektar sýarmaly jerge qyzmet kórsetedi. Byltyr fılıal aýyl sharýashylyǵy taýaryn óndirýshilerimen 7329 kelisimshart jasap, sýarý kezeńinde sharýalarǵa 925 mln tekshe metrden astam sý berdi.
5. JAMBYL OBLYSY
Jambyl oblysy boıynsha «Qazsýshar» fılıaly byltyr 162 myń gektardan astam jerge sý berdi. 2024 jyly fılıaldyń barlyq 10 óndiristik bólimshesi 3836 sharýa qojalyǵymen sý jetkizý boıynsha kelisimshart jasap, 533 mln tekshe metr sýmen qamtamasyz etti.