Beıbit qarsylasyn aıqyn basymdyqpen utty
Ulttyq Olımpıada komıtetiniń dereginshe, qazaqstandyq tenısshi Beıbit Jýkaev «Dáýlet» tenıs ortalyǵynda ITF World Tennis Tour M 25 serıasy boıynsha ótip jatqan jarystyń shırek fınalyna shyqty, dep habarlaıdy Almaty-akshamy.kz
Jýkaev ekinshi aınalymda otandasy Grıgorıı Lomakınmen baq synasty. Aqtaý tenıs mektebiniń túlegi 1 saǵat 8 mınýtqa sozylǵan machta 6:2, 6:3 esebimen jeńiske jetti. Beıbit Jýkaev báseke barysynda 10 eıs jasap, 9 breık-poınttyń úsheýin paıdalandy.
Beıbit jartylaı fınalǵa shyǵý úshin kanadalyq Fılıpp Pelıvomen talasady. Bir apta buryn qazaqstandyq tenısshi alǵashqy aınalymda osy sportshyǵa tartysty machta 1:6, 6:2, 6:7 (3:7) esebimen ese jibergen bolatyn. Degenmen Beıbit Jýkaev sol týrnırde reseılik Andreı Kýznesovpen birge juptyq synda jeńimpaz atanǵan edi.
Taǵy bir qazaqstandyq Denıs Evseev elorda dodasynyń ekinshi aınalymynda polák Mıhal Dembekten 4:6, 4:6 esebimen utylyp qaldy.