Dál osyndaı atpen elimizde tuńǵysh ret onlaın saıys ótkizildi.
Bul aqyndar men sýretshiler arasyndaǵy respýblıkalyq onlaın-baıqaý QR Táýelsizdiginiń 30 jyldyǵyna oraı Qaraǵandy oblysy ákimdigi mádenıet, arhıvter jáne qujattama basqarmasynyń qoldaýymen «Mádenıet portalynda» ótkizildi, dep habarlaıdy Almaty-akshamy.kz ADEBIPORTAL.KZ saıtyna silteme jasap.
Úsh aıǵa sozylǵan megajobanyń sýretshilerge arnalǵan alǵashqy kezeńine 101 sýretshi, 300-den astam kartına kelip tússe, ekinshi kezeńde 100-ge jýyq aqyndar baqtaryn synady.
Jeńimpaz Aqyn men Sýretshi shyǵarmalarynan arnaıy úsh tilde (qazaq, orys jáne aǵylshyn) álbom daıyndalady. Álbom sapaly, túrli-tústi sýrettermen bezendirilip, arnaıy túsirilgen beıne rolıkterge silteme berilgen QR-kodtarmen jaryq kóredi.
Saltanatty marapattaý rásimi Qazaqstan Respýblıkasynyń Konstıtýsıasy kúnine oraı 26 tamyz kúni ótedi, pandemıaǵa baılanysty ózgerýi de múmkin. Negizgi shart boıynsha poezıa men sýrette úndesken dýet-júldegerler karantın talaptaryn eskere otyryp, "Táýelsizdik: Sóz ben Sýret" qorytyndy mádenı keshine aldyn ala shaqyrtylady.
Al baıqaýdyń júırikteriniń tizimin myna jerden bile alasyzdar.