Ol buǵan deıin de osyndaı áreketimen isti bolǵan
Quqyq buzýshy osy jyldyń 30 mamyrynda ustaldy, dep habarlaıdy Almaty-akshamy.kz oblystyq PD-ǵa silteme jasap.
Turar Rysqulov atyndaǵy saıabaqtyń aýmaǵyn patrúldeý kezinde Taraz qalasynyń Polısıa basqarmasy 1-polısıa bóliminiń qyzmetkerleri polısıa formasyndaǵy kúdikti jas jigitti baıqady.Saıabaqta serýendep júrgen jigit polısıa qyzmetkerlerin kórip sasyp qalǵan.
Tekserý barysynda tártip saqshylary jalǵan polıseıdiń 19 jasta ekenin jáne onyń Túrkistan oblysynyń turǵyny ekenin anyqtady. Ustalǵan azamattyń osyndaı qylmysy úshin 2022 jyldyń sáýir aıynda Shymkent qalasynda sotty bolǵany belgili boldy.Ol kezde jas jigit TJD qyzmetkeriniń nysandy kıimin kıgen eken. Onyń mundaı qadamǵa qandaı maqsatpen barǵanyn tergeý anyqtaıtyn bolady.
Atalǵan derekke qatysty QR QK 390-babynyń 1-bólimi boıynsha sotqa deıingi tergeý amaldary bastaldy. Osy baptyń sanksıasy seksen aılyq eseptik kórsetkishke deıingi mólsherde aıyppul salý ne sol mólsherde túzeý jumystary ne seksen saǵatqa deıingi merzimge qoǵamdyq jumystarǵa tartý nemese jıyrma táýlikke deıingi merzimge qamaý túrindegi jazany kózdeıdi.