Bortta bolǵan 43 adamnyń 26-sy qutqarylǵan
Tanzanıada jolaýshylar ushaǵy kólge qulady, onyń bortynda 43 adam bolǵan, dep habarlaıdy Almaty-akshamy.kz QazAqparatqa silteme jasap.
Jergilikti polısıa taratqan málimetke sáıkes, Tanzanıanyń soltústik-batysyndaǵy Býkoba qalasynyń áýejaıyna qonýǵa baǵyt alǵan ushaq Vıktorıa kóline qulaǵan. Apatqa aýa raıynyń qolaısyzdyǵy sebep bolǵan dep habarlandy.
«Sınhýa» agenttiginiń málimetinshe, jolaýshylar ushaǵy Dar-es-Salam qalasynan ushyp kele jatqan. Bortta bolǵan 43 adamnyń 26-sy qutqarylǵan. İzdestirý-qutqarý jumystary aıaqtalǵan joq.
Sondaı-aq, Kagera aımaǵynyń bas dárigeri Isesanda Kanıkıdiń aıtýynsha, apattan 3 adam qaıtys bolǵan.
Aıta ketsek, Italıanyń ońtústiginde týrıser mingen tikushaq apatqa ushyrap, 7 adam kóz jumǵan edi. Onyń ekeýi – ushqysh, bireýi – jedel járdem dárigeri jáne qalǵan tórteýi – slovenıalyq saıahatshy.