Turǵyndarǵa áleýmettik mańyzy bar azyq-túlik taýarlarynyń qoljetimdi bolýy qala bıliginiń únemi nazarynda.
Azyq-túlik ónimderin shyǵaratyn jergilikti otandyq taýar óndirýshilerdi qoldaý maqsatynda, sondaı-aq Almaty qalasynda áleýmettik mańyzy bar azyq-túlik taýarlarynyń baǵasyn turaqtandyrý tetikterin iske asyrý sheńberinde «Almaty» áleýmettik-kásipkerlik korporasıasy» AQ men «Alsad Qazaqstan» JSHS arasynda 1-sanattaǵy «Alsad» taýyq jumyrtqasyn 49,5 mln. danamen shyǵarý jáne ótkizý boıynsha qaryz sharty jasaldy.
«Alsad» brendi birinshi kezeńde «Magnum» sýpermarketteriniń saýda jelileri arqyly, al ekinshi kezeńde qalanyń basqa da iri saýda jelilerinde satylatyn bolady.
Atalǵan jumyrtqanyń sóredegi búgingi baǵasy 448 teńge (10 danasy).
Almaty qalasy statısıka departamentiniń apta saıynǵy monıtorıńine júginsek, qala boıynsha 2 qyrkúıektegi jaǵdaıǵa sáıkes, 1-sanatty taýyq jumyrtqasynyń ortasha baǵasy – 486 teńge.